- Naak nalunngikkaluarlugu allanik nuliuneqanngitsut toqorartarpaat, tamannalu ukiut marluk iluanni pivoq, KNQK-mi allattaaneq oqarpoq.Assi: Abbas Moaddab

KNQK: Pisortat qimmit pillugit misissuisitsinerat sivisuallaarpoq

Kalaallit qimmii qimuttut Qeqertarsuarmiittut qimminik allanertanik piaqqioqateqarsimaneragaanerannik pisortat paasiniaanerat sivisuallaarpoq. Kalaallit Nunaanni Qimussertartut Kattuffiat taama isornartorsiuivoq.

Pisortat suliamik tigusinerannit ukiup ataatsip affaata sinnereerpaa, tamannalu kingunerlutsitsivoq.

- Pisortat pisussaaffigivaat suliaq naammassissallugu pasitsaassaqarunillu sukkasuumik iliuuseqarfigissallugu. Taamaassimanngilaq, ilungersunarpoq. Uteqattaarinerit ingerlappagut, qimmilinnut uagutsinnullu oqimaattorujussuuvoq nukipparujussuarnillu atuiffiulluni, KNQK-mi allattaaneq Hansiaraq Zeeb oqarpoq.

AAMMA ATUARUK Qimmip DNA-vanik misissuineq kinguaattoorfiuvoq

Kalaallit qimmiisa qimuttut Qeqertarsuarmiittut kalaallit qimmerinngisaannik akusaasutut pasilliummik suliaq kinguaattoorfiuvoq.

Qimmit pineqartut timaasa sannaasa ilisarnaataannik misissuisitsinermik suliaq, januaarimili piareertussaq, kukkuneqarmat apriilimut kinguartinneqarpoq. Inernerali suli saqqummiunneqanngilaq.

- Pasitsaassisoqarpat taamatut utaqqeqqissinnaanngilagut. Taamaattumik kissaatiginarpoq taakani akuuisimasinnaaneq pinngitsoorani unitsinneqassasoq imaluunniit qularnaarneqassasoq, siaruaatinnginnissaa anguniarlugu.

Pisortat nipangersimanerat

Aalisarnermut, piniarnermut nunalerinermullu naalakkersuisoq, Jens Immanuelsen, angalagami suliamut tunngatillugu oqaaseqarsinnaanngikkallarpoq. Taava aamma Kalaallit Nunaanni Uumasunut Nakorsaqarfik oqaaseqartissinnaasimanngilarput.

Suliarli sapaatit akunnerit arlalialuit qaangiuppata naammassissasoq KNR-imi tusarfigut ilisimatitsipput.

Taamaammallu qimmit akusaasimanersut suli uppernarsarneqanngilaq.

AAMMA ATUARUK DNA-mik misissuineq piareertoq

Kisianni qimmit marluk kalaallit qimmiinik qimuttuunngitsut Qeqertarsuarmut eqqunneqarsimasut, KNQK-meersut qularutiginngilaat.

- Suussusaat naluarput, kisianni takusinnaavarput kalaallit qimmerinngikkaat.

Pasitsaassinerullu kingorna piaqqanik, uggornaraluaqisumik, toqoraasariaqartalersimasut, Hansiaraq Zeeb paasissutissiivoq:

- Qimmeq nuliuleraangat aqukkuminaattorujussuanngortarpoq, taamaammat mianersuussilluarput. Naak nalunngikkaluarlugu allanik nuliuneqanngitsut toqorartarpaat, tamannalu ukiut marluk iluanni pivoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat