Qimmip DNA-vanik misissuineq kinguaattoorfiuvoq
Uumasut nakorsaanerata Egill Steingrimssonip oqarnera naapertorlugu qimmip DNA-vanik misissuisut, Qimmeq Projekt-imeersut, misissuinerminni teknikkikkut kukkussuteqarsimapput, taamaalillunilu misissuineq januaarip naalernerani piareerneqartussatut naatsorsuutigineqaraluartoq sapaatip akunneri marluk pingasulluunniit qaangiuppata aatsaat naammassineqarsinnaasoq maanna naatsorsuutigineqalerpoq.
Qeqertarsuarmi kalaallit qimmerinngisaannik qimmeqartoqarsinnaaneranik pasilliutit Kalaallit Nunaanni Qimussertartut Kattuffiannut siorna januaarimi anngunneqarput, qimmerlu assiinnartigut ilumut kalaallit qimmerineraat takuneqarsinnaanngimmat, Uumasut Nakorsaaneqarfiannit DNA-vanik misissuinissamut atugassamik siorna aasakkut tigusiffigineqarpoq.
AAMMA ATUARUK Qimussertartut allamiut qimmiinik akusanngortitsisimasutut pasineqartut
Misissuinerup kingusinaarnera pillugu Qanoruumi ilaangutassiaq uani takuneqarsinnaavoq
