Ditte Sorknæs Pisortanngortoq amernik amerlanerusunik pissarsiniassaaq
Ditte Sorknæs 2016-imi februaariugaa nunatsinni suliffeqarfiit pingaarnersaat ilaanni pisortanngorpoq - sulianilu ingerlalluarsimaqalugu. 2015-imimi 25 millionit koruuninik amigartooruteqarneq mumisippaa 2016-imilu 633.000 koruuninik sinneqartoortillugu. Tamannarpiarlumi pissutaalluni pisortaajunnaarnissani ajornannginnerulersimasoq pisortaajunnaartussap unnersiutigaa.
- Siunniussarput maanna anguarput, inissitassallu inississoreerlugit, suliffeqarfik aqutarillualerparput ingerlallualerlunilu.
AAMMA ATUARUK Qasigissat amii piumaneqaraluartut Great Greenland ikiuussinnaanngilaq
Aningaasaqarniarnerup ingerlallualernissaa, EU-miit meqqilersuisalernerit, tuniniaavittaatalu ingerlallualernissaa. Tassa taakku immikkoortut pingasut pingaarnerutitakka anguavut, Ditte Sorknæs oqarpoq. Anguniakkalli anguneqarnerisa pisortaajunnaarnissamik isummernerup ilungersunarnerulerneranittaaq kinguneqartoq oqaatigaa:
- Ila ukiut kingulliit marluk angusimasavut eqqarsaatigalugit ingiinnarluni tulluusimaarutigiinnarnissaat pilerinaraluaqaaq.
AAMMA ATUARUK Great Greenland siuariartoq
Inuttut akeqarsimasoq
Suliffeqarfissuarmili pisortatut angusarissaalernissap tungaanut aqqut inuttut akeqarsimavortaaq.
- Suliffiga inuttut akisunaarnarpoq. Ilaqutaqarpungami assigisaanillu, Ditte Sorknæs 6-nik 9-nillu ukiulinnik qitornaqarpoq, ukiullu ingerlanerani angalasarnerpassuit tupaallaatissaanngitsut naqissuserlugu.
- Tassanerpiaq ulluinnarni tulleriiaarinissamut tunngassuteqarpoq, tulleriiaarinerimmi ullormiit ullormut allanngorsinnaasarmata.
Pisortaq maanna soraartussanngortup ukiuni kingullerni pisortaasimanini qiviareerlugulu suliffeqarfimmi sulisut tamarmik eqqummaarillutik suleqataasimanerat naqissuserpaa.
- Suna tamarmi assorsuaq ulappuffiusimavoq. Suliassarpassuimmi imaaginnavissimapput, uangami kisima ulapinnanga Great Greenlandimi sulisut ilungersoqataasimaqaat.
Sulerulunnerup saniatigut suleqataasut allallu attuumassuteqartut unneqarillutik akuusimanerat pisortap nittarsaappai, aammalu paasiumasaqarnermik anersaaqarluni maskiinatigut inunnillu tunngasunik tulleriiaarisoqartarnera pimoorussamillu Great Greenlandimut aningaasaleerusussuseqarnerup siunissaq maannakkorpiaq qaamanerulersikkaa pisortap nittarsaappai.
Pisortanngortussaq ingerlatsinermut pikkorissuunissaa pisortaajunnaartussap neriuutigaa, pisortanngortussammi ammit tunisaasartut niuerfinnilu pisiumasoqarnerata nikinganeri pisortanngortussap ukkattariaqartussaassammagit.
- Maanna soraartussanngorninni angunngitsuugara ataaseq immikkut saqqummiukkusuppara, tassaavorlu amernik tunisisartut ikiliartuinnarneri.
Den afgående direktør kigger tilbage på de 2 år i chefstolen og understreger, at ingen i firmaet er kommet sovende til den nuværende succes
- Det har været en total hvirvelvind. Der har virkelig været tryk på, ikke bare for mig, det har der også været for medarbejderne i Great Greenland, siger den afgående direktør for Great Greenland, Ditte Sorknæs.
Ud over hårdt arbejde, så mener hun, at ærlighed overfor samarbejdspartnere og andre interessenter, analytisk tilgang til prioriteringer både maskinelt og menneskeligt samt rigtige investeringer er skyld i de positive tendenser, der er i Great Greenland nu.
AAMMA ATUARUK Great Greenlandip angusai naammaginanngitsut