Inuussutissarsiutit

Great Greenlandip angusai naammaginanngitsut

Great Greenland A/S-ip ukiumoortumik nalunaarusiaani takuneqarsinnaavoq 2015-imi 24.3 millionit koruuninik amigartoortoqarsimasoq.

Allattoq Charlotte Holten-Møller

juunip 07-at 2016 15:25

Ingerlatseqatigiiffik ukiumi naatsorsuuteqarfiusumi amminik qitulisariikkanik tuniniaanermini unammilligassaqarsimavoq ataatsimut isigalugu ameerniarfinni nalorninartorsiornernik ilaatigut pissuteqartumik.

Taamaappoq naak Kalaallit Nunaata EU-mi tuniniaavinnut puisinit tunisassianik eqqussisaannarnissaanut periarfissiisumik Inuit pineqannginnerannik EU-mi 2015-imeersumik peqqussuteqaraluartoq.

- Taamatut Inuit pineqannginnerat pitsaanngitsumik allanngoriartornermut 2009-miilli malugineqartalersumut iluaqutaasimanngilaq, tamannalu Great Greenlandimut assut unammillernartuusimavoq, namminersorlutik Oqartussat tusagassiuutinut nalunaarummi allapput.

Aamma atuaruk Great Greenlandimi siunissamut isumalluarput

Ingerlatseqatigiiffik 2015-imi annertunerusunik ingerlatsinermut aningaasartuuteqarsimavoq ammillu tunisat pitsannginnerulersimallutik, tamannalu aammattaaq ukiumut angusanut sunniuteqarsimavoq.

Taamaammat angusat Naalakkersuisunit Great Greenlandimilluunniit naammaginartinneqanngillat.

Ditte Hejberg Storknæs Januarip aallaqqaataani Great Greenlandimi pisortaanertut atorfinitsinneqarpoq taamaammallu siulersuisunut ilaasortaajunnaarluni.