Pilersuisumi pisortaq toqusoq

Pilersuisumi pisortaq, Niels Andersen toquvoq. KNI tusagassiuutinut taama nalunaaruteqarluni allappoq.

Niels Andersen Nuummi marlunngornermi toquvoq, 42-nnarnik ukiuoqarluni.

Nielsip qimataraa ukiuni 16-ini aapparisani Rikke Bojsen.

- Tupannaqisumik aliatsannangaaqisumillu tusarlerneqarpugut Niels piaarpallaarujussuartumik tassanngaannaqisumillu toqunera pillugu. Oqaasissaaleqinarpoq paasiuminaaqalunilu, qanoq ililluni inuk Nielsitut nukittutigisoq, peqqitsigisoq nuannaartigisorlu uisorilanerinnarmit inuunermik nuannarisaminik arsaagaasinnaanera, sumik ilimatsannarsinnaasumik pisoqanngitsorluunniit. KNI tusagassiuutinut nalunaarummini allappoq.

Niels Pilersuisumi ukiuni kingullerni pingasuni pisortaavoq. Tamanna sioqqullugu Pisiffimmi 2007-imiit 2016-ip tungaanut pisiniartarnermut ussassaarinermullu pisortaavoq. Aappanilu Rikke nunatsinni ukiuni kingullerni 13-ni najugaqarput.

Niels Andersen Kalaallit Nunaannut nuunngikkallarami Danmarkimi Kvicklymi ISO Supermarkedimilu sulivoq.

Aakademiøkonomitut aamma aaqqissuussineq aqutsinerlu pillugit HD-tut ilinniarsimasuuvoq.