Pilersaarut nutaaq: Ammit tunisat iginneqartassapput
Puisit amiinik 2016-imi suli tunisisoqarsinnaassaaq, kisianni taava tamakku aserorterneqassapput. Inuussutissarsiornermut, suliffeqarnermut niuernermullu naalakkersuisoq, Randi Vestergaard Evaldsen tusagassiuutinut nalunaaruteqarpoq.
Great Greenlandimi pisortaq, Lars Berg atorfimminit tunuartussanngortoq, taavalu Kobenhagen Furimi Nioqqutinut Nittarsaassinermullu qullersatut siornatigut atorfeqartumit Ditte Sorknæsimit taarserneqartussanngortoq ippassaq nalunaarutigineqarpoq.
Aamma atuaruk Puisit amiinik kavaajaliat oqaluttuaannanngussapput
Aningaasarsiorluarnerunissaq anguniarlugu periusissiamik nutaamik pilersaarusiaq nutaaq Lars Bergip tunuarneranut pissutaatinneqarpoq.
Pilersaarusiallu ilamernga Randi Vestergaard Evaldsenip maanna saqqummiuppaa.
Aamma atuaruk Great Greenlandip pisortaa taamaatilerpoq
Ilaatigut natsit amiinik Qaqortumi ammerivimmut suliarineqaqqittussatut 2016-imi assartuisoqarunnaarallassaaq.
- Isumaqarpunga toqqorsivinni amminik amerlasuunik uninngasuutitaqarneq pissutigalugu imatut immikkut ittumik iliuuseqartariaqarneq, natsit amiinik 2016imi suliaqaqqittarunnaarallarneq aningaasaqarnermut isumatusaarnerusoq, avatangiisitigut piujuaannartitsiniarnermut inuiaqatigiinnilu akuerineqarsinnaasoq, Randi Vestergaard Evaldsen tusagassiuutinut nalunaarummi oqarpoq, ammillu ukiuni arfinilini tunisaasartunut naapertuutut Great Greenlandip toqqorsiviani uninngaannartut erseqqissarlugu.
- Natsit amiinik amerlanernik tigooqqaasoqassappat, ammit suliarineqarlutillu toqqorsivinni uninngasuutigineqaannassappata, Great Greenlandip aningaasaqarneranut millionilinnik artukkiissaaq, tusagassiuutinut nalunaarummi allaqqavoq.
Aamma atuaruk VIDEO Great Greenlandip mersortarfik matuaa
Tamannalu isumatusaarnerusoq naalakkersuisoq isumaqarpoq.
- Isumatusaarneruvoq, 2016-iugallartoq, Great Greenland toqqaannanngikkaluamillu nunatta karsia amerlanerusunik aningaasartuuteqartinngikkaanni, Randi Vestergaard Evaldsen oqarpoq.
Great Greenland 2015-imi katillugit 41 millionit koruuninik tapiissutisivoq.
Aamma atuaruk Great Greenlandip Kina naatsorsuutigaa
Aamma atuaruk VIDEO Puisit amiisa suliarineqartarnerat KNAPK-p pitsaanerulersikkusuppaa
