VIDEO Great Greenlandip mersortarfik matuaa

Nunatta ammeriviata Great Greenlandip Qaqortumi mersortarfia una qaammat naappat matuneqartussanngorpoq. Sulisut tallimat allamik suliffissarsiortariaqalertussat, mersortarfiup matuneqartussanngoriataarnera paasiuminaatsippaat.

- Nuannarinngilarput. Eqqumiigeqaarput sooq taamak pisoqariataarnersoq.

- Takutitsisoqaraangat paasitinneqartarpugut suliagut kusanarnerpaajusut. Kusagineqartaqaat aamma. Nuannertaqaaq, taamak tusarlerneqarluni, Great Greenlandimi mersortartoq, Valborg Poulsen, KNR-imut oqarpoq.

Aamma atuaruk Great Greenlandip Kina naatsorsuutigaa

Sulisut tamarmik soraarsitaasussanngornertik paasiuminaatsippaat.

- Nuannaralugu suliffigigakku maqaasissaqaara. Kisiat taamak misigititaanerput assut tujormissutigeqaara, Valborg Poulsen oqarpoq.

Ammeriviup mersortarfiata ingerlanneqarnera Great Greenlandip aningaasatigut nammassinnaanngimmagu matuinnartariaqalersoq, ammeriviup pisortaa nassuiaavoq.

- Aningaasatigut isertitsissutigisinnaannginnatsigu ingerlatiinnarsinnaajunnaarsimavarput. Ingerlanniarnera ajornakusoorluinnarsimavoq nunanit allanit unammillerneqaratta, Great Greenland A/S-imi pisortaq, Lars Berg, KNR-imut oqarpoq.

Aamma atuaruk VIDEO Great Greenland sulisut sisamat soraarsinneqarput

Imaassinnaavoq ammeriviup mersortarfia nunani allani mersortartut akikinnerit mersortartoralugit ingerlanneqalersoq. Taamaalisoqassanersorlu massakkut oqaatigineqarsinnaangikkallarpoq.

- Soorunami ajornanngippat arlaatigut aaqqissuteqartoqartariaqassaaq.

- Aaqqiissutaasussaq allaavoq, suliarli ingerlagallassaaq, pisortaq oqarpoq.

Great Greenalndip mersortarfia kisimi matuneqalerpoq, immikkortortaqarfiit allat ingerlaanassapput.

Aamma atuaruk VIDEO Great Greenland sulisuminik ikilisaavoq



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat