Inuussutissarsiutit

Puisit amiinik kavaajaliat oqaluttuaannanngussapput

Great Greenlandip Qaqortumi ammeriviata mersortafia matuppat puisit amiinik kavaaliat kusanartut tusaamaneqarluartullu tunisassiarineqarunnaassapput

Allattoq Thomas Munk Veirum

januaarip 21-at 2016 17:04

Nutserisoq Tone Frank

Ammeriviup Great Greenlandip 2011-mili pisortaa, Lars Berg januaarip naanerani atorfimminit paaseqatigiiffiusumik tunuarpat, nunatsinni aamma nunani allani Great Greenlandip puisit amiinik kavaajaliarpassuit kusarnarluinnartut tusaamaneqatigisai maanna oqaluttuaananngortussanngorput.

Aamma atuaruk Great Greenlandip pisortaa taamaatilerpoq

Mersortartummi sulisut tallimat januaarip 29-iani naggammik sulissussanngorput.

2015 aallartimmat sulisut 40-galuarput. Februaarilli aallaqqaataaniit sulisut 30-iinanngussapput.

Naak Great Greenlandi puisit amiinik tigooraasarnera ingerlaannartussaagaluartoq mersortarfiata matuneqarnissaanut atatillugu ammeriviup siulersuisui piginnittullu tassa Namminersorlutik Oqartussat ataatsimoorlutik aalajangiuttariaqarsimagaat siulersuisuni siulittaasoq oqarpoq.

Piniartut puisit amiinik Great Greenlandimut 2014-mi 51.000-t tunissaqarsimapput. Ammeriviup 2015-imut naatsorsuutai martsimi pisortatigoortumik aatsaat saqqumiunneqassapput.

Aamma atuaruk Ammerivik Great Greenlandimit piseqqikkumajunnaarpoq