Peqatigiiffik najortinik pikkorissartitsiartorluni Tasilamukartitsilersoq
- Najortinik illersuisoqartitsineq meeqqat ikiorneqarnissamik pisariaqartitsinerpaat sernissortussaavaat, Peqatigiiffik Kalaallit Meerartaanni allattoqarfimmi pisortaq, Nike Berthelsen oqarpoq.
Kommuneqarfik Sermersuup Peqatigiiffik Kalaallit Meerartaasalu suleqatigiinnissaat pillugu ulluni makkunani isumaqatigiinniartoqaleruttorpoq.
Taamaalillutik meeqqat kommunimi isumaginninnermik sullinneqartut najorteqarnissamut pisinnaaffeqalissapput.
AAMMA ATUARUK Nunatsinni tamani ajornartorsiortoqarmat suliassaqaqaagut
Kommune Kujalleq Qeqqata Kommunialu Peqatigiiffik Kalaallit Meerartaannik assingusumik isumaqatigiissuteqarput.
Najortitut Kommuneqarfik Sermersuumi sulisinnaasunik pissarsiorneq ilutigalugu Peqatigiiffik Kalaallit Meerartaat maanna Tasiilamukalerpoq.
- Najortinngortussanik Tasiilami pikkorissartitsissaagut, sulianillu ingerlatsinermut piumasaqaatit pillugit paasisimasaqarlualerumalluta ataatsimeeqattaarpugut. Meeqqat Najortinit sapinngisamik pitsaanerpaamik ikiorneqartarnissaat qulakkeerumallugu pissutsit ilisimasaqarfigilluarnissaat pingaaruteqarpoq, Nike Berthelsen oqarpoq.
AAMMA ATUARUK Tarnip pissusaanik ilisimasallit Tasiilamukartarnerat ingerlaannassaaq
Kalaallit Nunaanni meeqqat kikkulluunniit Najortimik illersuisoqarsinnaanissaat anguniagaraarput. Tassa imaappoq, tamatumani neqeroorut Nuummi aammalumi Kommuneqarfik Sermersuup illoqarfiini allani Kommuneqarfik Sermersuumit atuutsinneqassaaq, Nike Berthelsen paasissutissiivoq.
AAMMA ATUARUK Kommuneqarfik Sermersooq Tasiilami pissutsit pillugit nassueruteqartoq
AAMMA ATUARUK Partii Naleraq: Nammineerumanerput piinnarlugu ilagut pilliutigissagutsigit akuerinngilagut
