Namminersorlutik Oqartussat: Tarnip pissusaanik ilisimasallit Tasiilamukartarnerat ingerlaannassaaq

Tarnip pissusaanik ilisimasallit qaammatikkaartumik angalasartut Tasiilamukartarnerat ukiumik ataatsimik sivitsorneqartoq, Namminersorlutik Oqartussat KNR-imut paasissutissiipput.
Allattoq Mathies Hvid Toft, Andreas Wille
maajip 13-at 2019 06:56

Tarnip pissusaanik ilisimasallit qaammammut ataasiarlutik sapaatit akunnerani ataatsimi siornali Tasiilamukartarnerat ingerlaannassaasoq, isumaginninnermut aqutsisoqarfimmiit KNR-imut uppernarsarneqarpoq. 
Tasiilami innuttaasunik tarnip pissusaanik ilisimasalinnik ikorfartorneqarnissamik pisarisaqartitsisut taamaalillutik aappaagu junip tungaanut ikiorneqarsinnaapput. 

Oqaloqatoqateqarnissamik pisariaqartitsisunut qaammatikkaartumik tikeraartarneq juunimi nalilersorneqassaq.

AAMMA ATUARUK Tasiilami aaqqiigallartarneq ilisarnaataasimavoq

Aningaasartuutit Namminersorlutik Oqartussanit Kommuneqarfik Sermersuumiillu maannamut avillugit akilerneqartarput. Kisianni tamakkua Namminersorlutik Oqartussanit tamakkiisumik juniminngaanniit akilerneqartalissasut, Kommuneqarfik Sermersuumi meeqqanut ilaqutariinnullu ingerlatsivimmiit KNR-imut oqaatigineqarpoq.

Kommuneqarfik Sermersuup isumaginninnermut aqutsisoqarfik suleqatigalugu tarnip pissusaanik ilisimasallit sisamat qaammatikkaartumik tasiilamukartarnissaat siorna aalajangerpaa. Taakkunannga marluk meeqqanik marlullu inersimasunik oqaloqateqartarput.

Ukioq manna aningaasanut inatsimmi nunarput tamakkerlugu inunnik isumaginnittut qaammatikkaartumik angalasartunut 7.6 milliuunit koruuninik aningaasartuutaassasut naaatsorsuutaavoq.

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk