Paamiuni aallaasersortoqartoq: Angut toqutseriarsimasutut tigummigallagassanngortinneqartoq
Eqqartuussisoqarfik Sermersuup angut 42-nik ukiulik ulluni 28-ni tigummigallagassanngortippaa.
Angut Paamiuni sisamanngornermi nalunaaqutaq 10.58 tigusarineqarpoq.
Allattoq Hanna Vestergaard Hviid
novembarip 03-at 2023 15:51
Angut 42-nik ukiulik Paamiuneersoq angutip 33-nik ukiullip tungaanut Paamiuni sisamanngornermi seqqorsimavoq.
Angut Eqqartuussisoqarfik Sermersuumi tallimanngornermi sassartinneqarpoq. Eqqartuussisoqarfiup angut 42-nik ukiulik ulluni 28-ni tigummigallagassanngortippaa.
Kalaallit Nunaanni Politiit tusagassiuutinut nalunaarummi allapput.
Angut toqutseriarsimasutut pasineqarpoq.
Angut Kalaallit Nunaanni Politiit seqqorpallattoqarneranik nalunaarfigineqarnerata kingorna Paamiuni sisamanngornermi nalunaaqutaq 10.58 tigusarineqarpoq.
Pigaartut pisortaata, Ole Haldip oqarnera naapertorlugu pissannganartorsiorfiunngitsumik tigusarinnittoqarpoq.
Politiit suliamik misissueqqissaarnertik ingerlateqqissavaat.
