Angut toqutseriarsimasutut eqqartuussivimmut sassartinneqassasoq
Angut 42-nik ukiulik Paamiuni sisamanngornermi aallaasersortoq politiit tigusaraat. Angut taanna eqqartuussivimmut tallimanngornermi sassartinneqassaaq.
Angut aallaasersorluni toqutseriarsimaneragaalluni eqqartuussivimmut sassartinneqassaaq.
Allattoq Nicole Sander Bertelsen
novembarip 03-at 2023 08:46
Nutserisoq Hanne Petersen
Angut 42-nik ukiulik angummut 33-nik ukiulimmut sisamanngornermi issussimasoq, Kalaallit Nunaanni Politiit pigaartuisa ittuat Ole Hald tallimanngornermi ullaakkut oqarpoq.
- Seqqortoqarsimaneranik ullaap tungaani aqqaninngulersoq nalunaarfigineqarpugut. Eqqortittoqanngilarli, angullu ajornaquteqanngitsumik tigusaraarput, politiit pigaartuisa ittuat Ole Hald oqarpoq.
Suliami tassani misissueqqissaaleruttoramik qanorpiaq pisoqarsimanersoq, Ole Haldip oqaatigerusunngilaa.
Pasisaq tigummigallarnissaa siunertaralugu eqqartuussivimmut ullumi sassartissagitsik, taanna aamma oqarpoq.
