Angut inunnik sioorasaarisimanngitsoq Kalaallit Nunaanni Politiit erseqqissaatigaat, patruuninillu aamma nassaartoqarsimanani.Assi: KNR

Nuummi politiit angut aallaasilisartoq tigusarigaat

Politiit oqarnerat naapertorlugu angut umiarsualivimmi containerip eqqaani tunniutiinnarmat eqqissisimasumik tigusarinnittoqarpoq.

Angutip aallaasilisartup Nuummi umiarsualivitoqqami takuneqarsimanera Nuummi politiinut ualeq manna ulloqeqqa qaangeraa tanneq pingasunut kalerriutigineqarpoq, angullu najummassimanartorsiortitsisutut inuit nalunaarutigisimavaat.

Kalaallit Nunaanni Politiit taama nalunaaruteqarput.

Politiit immikkut sungiusakkat Nuummi politiit isumannaallisaaniarneq eqqarsaatigalugu ornigutsittariaqarsimavaat.

Angut umiarsualivimmi containerip eqqaaniittoq siumorneqarpoq, angut taamaalinerani tunniutiinnarpoq politiiniillu tigusarineqarluni.

Angut inunnik sioorasaarisimanngitsoq Kalaallit Nunaanni Politiit erseqqissaatigaat, patruuninillu aamma nassaartoqarsimanani.

Angut pisumut atatillugu unnerluutigineqassanersoq misissuinerup takutissavaa.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat