Oqaasiliortut ilaasortassaat toqqarneqartut

Naalakkersuisut ilaasortassat nutaat tallimat toqqarpaat. Ilaasortanngortut Oqaasiliortuni 2029-p naanissaata tungaanut atuutissapput.

Allattoq Ivalu Nivi Johansen

decembarip 15-at 2025 16:12

Nutserisoq Connie Fontain

Oqaasiliortunut eqimattanik nutaanik toqqaasoqarpoq.

Oqaasiliortunngortut 2026-mi januaarimit 2029-mi decembarimut atuutissapput.

Naalakkersuisut tusagassiuutinut nalunaarummi allapput.

- Periarfissaq atorniarpara Oqaasiliortuni piffissami atuuffimmi kingullermi ilaasortaasimasut angusaannut aallussilluarneranullu qujassuteqarfigissallugit, ilinniartitaanermut, kultureqarnermut, timersornermut, ilageeqarnermullu naalakkersuisoq, Nivi Olsen (D) tusagassiuutinut nalunaarummi allappoq, nangillunilu:

- Oqaasiliortuni ilaasortat nutaat suliap nanginnissaanut malinnaaffigissallugu qilanaarivara, kissaappassilu suleqatigiilluarnissassinnik sulilluarnissassinnillu.

2026-2029-mi Oqaasiliortut

Tikaajaat Kristensen
Kasper Skifte
Mette Larsen Lyberth
Jens Thorin
Kikkik Olsen

Tusarfik: Naalakkersuisut.

Naalakkersuisut oqaasiliortunut ilaasortassanik nutaanik ukiut sisamakkaarlugit toqqaasarput. Oqaasiliortut namminneerlutik siulittaasussaminnik toqqaasarput.

Oqaasiliortut kalaallit oqaasiisa ineriartornerannik malittarinninnissaq, tassunga ilanngullugu kalaallisut oqaatsit nutaat, oqariartaatsit oqaasersiallu katersornissaat nalunaarsornissaallu suliassaraat. Oqaasileriffillu Oqaasiliortut suliaannik allaffissornikkut suliaqartussaalluni. Oqaasileriffik nittartakkamini allappoq.

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.