Aalisarsinnaanermut akuersissutit aalisartunut nutaanut tunniunneqartarunnaarnerat 2022-mi apriilimut atuutissapputAssi: KNR/Anton Gundersen Lihn

Nunatta avannaani umiatsiaararsortunut nutaanik akuersissuteqartoqarunnaartoq

Naalakkersuisut nunatta avannaani aalisagaqassutsip aalisartullu amerlassusaasa naleqatigiinnerulernissaata tungaanut sinerissap qanittuani umiatsiaararlutik aalisartunut akuersissutinik nutaanik tunisiniarunnaarput.

Aqutsiveqarfimmi 47-mi umiatsiaaqqamik qaleralinnik aalisarsinnaanermut akuersissutinik nutaanik tunniussisarneq tallimanngormat novemberip ulluisa 15-ani unitsinneqarpoq.

 Naalakkersuisut tallimanngormat aalajangerput.

AAMMA ATUARUK Aqutsiveqarfiit amerlanerit atulersinniarneqarput

Upernavimmili aalajangersimasumik najugallit qinnuteqarsinnaapput.

Aalisarsinnaanermut akuersissutit aalisartunut nutaanut tunniunneqartarunnaarnerat 2022-mi apriilimut atuutissapput, tassanilu annertussusaat nutaamik naliliiffigineqassallutik.

Grønlandsbanken taarsigassiititsiniarunnaartoq

Qaleralinniarlutik aalisartut nutaat amerlavallaarnerat pillugu oqallinneq aallartippoq, aningaaserivik Grønlandsbanken oktoberip ulluisa 21-anni nalunaaruteqarmat, umiatsiaararsorlutik aalisartunut nutaanut taarsigassarsisarnini unitsillugu, sinerissap qanittuani qaleralittassiisarnerit aningaasarsiornikkut piujuaannartitsinissamullu ingerlasinnaanngitsutut isigineqarmat.

- Ukiuni kingullerni umiatsiaaararsorlutik aalisartut nutaat amerlsoorujussuupput aalisagartassiissutillu biologit innersuussutaannit qaangerneqaqqattaarlutik, Grønlandbanken taama oqarput.

AAMMA ATUARUK Grønlandsbanken umiatsiaraasortunut aningaasaliisarunnaartoq

Umiatsiaararsorlutik aalisartunut pisassiissutit aqutsiveqarfimmi 47-mi unitsinneqarnerat, aningaaseriviup aalajangerneranit oqallinnermit qisuariarnertut isigineqarsinnaavoq.

Naalakkersuisut erseqqissaatigaat ukiuni aggersuni pisuussutinut tunngavigineqartup aalisarsinnaasullu akornanni naapertuuttoqaqqilissappat aalajangerneq naliliiffigeqqinneqarumaarpoq

Umiatsiaaqqamik aalisartunut nutaanut aalisarsinnaanermut akuersissutit tunniunneqartartut unitsitaanerat apriili 2022 tikillugu atuutissaaq.

Naalakkersuisut tallimanngormat taama alajangerput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat