Aalisarnermut Naalakkersuisoq Jens Immaneulsen avannaani pisassiiffiunngitsunk qaleralitassiisaarneq atorunnaarsinniarneqarpoq, Aqutsiveqarfinnillu nutaanik soorlu Nuup eqqaani pilersitsisoqarniarpoqAssi: Merete Lindstrøm

Aqutsiveqarfiit amerlanerit atulersinniarneqarput

Aalisarnermut Naalakkersuisoq Jens Immanuelsen Naalakkersuisutut ivertinneqarnermi kingorna siullermeerluni tusagassiortunik katersortitsivoq. Avannaani pisassiiffiunngitsunik qaleralittassiisaarneq atorunnaarsinniarneqarpoq, Aqutsiveqarfinnillu nutaanik soorlu Nuup eqqaani pilersitsisoqarniarpoq.

Avannaani pisassiiffiunngitsunik qaleralittassiisarnerup atorunnaarsinneqarnissaa marsip qaammataani oqallisigineqarpoq. Pisassiiffiunngitsunik qaleralittassiisarnerup atorunnaarsinneqarnissaa SQAPK-mit akerlerineqarpoq

AAMMA ATUARUK Pisassiissuteqarfiunngitsumik aalisarfiit akerleriissutaalersut

Siumumi isumaqatigiinnginneq siunnersuutigineqartup siuliinut unitsitsivoq

Aalisarnermut Piniarnermut Nunalerinermullu Naalakkersuisoq Jens Immanuelsen nalunaarutip januarimi atuutilernissaa naatsorsuutigalugu oqarpoq. 

Partiip Siumup iluani isumaqatigiinngittoqarnera pissutigalugu suliaq Naalakkersuisunut killittarpoq.

Tamatumuunali Aalisarnermut Naalakkersuisoq isumaqarpoq, parteeqatiminit taamatullu naalakkersuisoqatigiinni tapersersorneqarluni, siunnersuutigisaami naalakkersuisoqatigiit isumaqatigiissutaanniimmat. 

Sinerissap qanittuani aalisarnermi akuersissutit killilerneqassapput

Umiatsiaararsortut  sapaatip akunnerani kingullermi aalassatsinneqarput, aningaaserivik Grønlandsbanken umiatsiaararsortunut aningaasaliisarunnaarniarluni nalunaarmat, nungusaataasumik aalisartoqarmat. Aningaaserivillu isumaqarmat, aalisartut pisassiissutigineqartartullu amerlavallaartut.

Aalisartullu taarsigassarsiaminnik ungasinnerusoq eqqarsaatigalugu akiliisinnaannginnissaat ernummatigineqarmat.

AAMMA ATUARUK Aalisartut politikkerisulli akerleriilerput

Tassungalu atatillugu Jens Immanuelsenip sinerissap qanittuani aalisartunut nutaanut aalisarsinnaanermut akuersissutit tunniunneqartartut killilersorniarpai, akuersissuteqareersulli killilersorniarnagit erseqqissaatigalugu.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat