Aqutsiveqarfiit amerlanerit atulersinniarneqarput
Avannaani pisassiiffiunngitsunik qaleralittassiisarnerup atorunnaarsinneqarnissaa marsip qaammataani oqallisigineqarpoq. Pisassiiffiunngitsunik qaleralittassiisarnerup atorunnaarsinneqarnissaa SQAPK-mit akerlerineqarpoq
AAMMA ATUARUK Pisassiissuteqarfiunngitsumik aalisarfiit akerleriissutaalersut
Siumumi isumaqatigiinnginneq siunnersuutigineqartup siuliinut unitsitsivoq
Aalisarnermut Piniarnermut Nunalerinermullu Naalakkersuisoq Jens Immanuelsen nalunaarutip januarimi atuutilernissaa naatsorsuutigalugu oqarpoq.
Partiip Siumup iluani isumaqatigiinngittoqarnera pissutigalugu suliaq Naalakkersuisunut killittarpoq.
Tamatumuunali Aalisarnermut Naalakkersuisoq isumaqarpoq, parteeqatiminit taamatullu naalakkersuisoqatigiinni tapersersorneqarluni, siunnersuutigisaami naalakkersuisoqatigiit isumaqatigiissutaanniimmat.
Sinerissap qanittuani aalisarnermi akuersissutit killilerneqassapput
Umiatsiaararsortut sapaatip akunnerani kingullermi aalassatsinneqarput, aningaaserivik Grønlandsbanken umiatsiaararsortunut aningaasaliisarunnaarniarluni nalunaarmat, nungusaataasumik aalisartoqarmat. Aningaaserivillu isumaqarmat, aalisartut pisassiissutigineqartartullu amerlavallaartut.
Aalisartullu taarsigassarsiaminnik ungasinnerusoq eqqarsaatigalugu akiliisinnaannginnissaat ernummatigineqarmat.
AAMMA ATUARUK Fiskerorganisationer er delte om afskaffelsen af kvotefrie områder
Tassungalu atatillugu Jens Immanuelsenip sinerissap qanittuani aalisartunut nutaanut aalisarsinnaanermut akuersissutit tunniunneqartartut killilersorniarpai, akuersissuteqareersulli killilersorniarnagit erseqqissaatigalugu.
