Aalisarnermut, Piniarnermut Nunalerinermullu Naalakkersuisoq, Nikkulaat Jeremiassen.Assi: KNR

Aalisartut politikkerisulli akerleriilerput

Pisassiissutitaqanngitsumik qaleralinniarnerup aalisarnermut Naalakkersuisumit unitsinneqarniarnera, aalisartunit politikerinisulli akerleriissutigineqarpoq. Pinngortitaleriffik siunnersuummut tapersiivoq, nakkutigilluakkamik aalisartoqarnissaa anguneqassammat.

Aalisarnermut Naalakkersuisoq Nikkulaat Jeremiassen pisassiissutitaqanngitsumik qaleralinniartarnerup unitsinneqarnissaanik siunnersuuteqarpoq. Parteeqataasali Siumumeersut siunnersuut akerleraat.

Naalakkersuisoq Ilulissani aalisartut piniartullu peqatigiiffiannit tapersersorneqarpoq.

- Nikkulaat Jeremiassenip taamatut isummersuutigisimasaanut maanngaanniit isumaqatigivarput taamatut pisoqassappat, IAPP-mi ilaasortaq ukiorpassuarnilu siulittaasuusimasoq Peter Olsen KNR-imut oqarpoq. 

Kisianni Sinerissap Qanittuani Aalisartut Piniartullu Kattuffiat akerliuvoq.

- Una ukiunut kingullernut qaangiutereersunut utersaarnertut taasariaqarpoq, SQAPK-mi pisortaq Erik Lange KNR-imut oqarpoq.

Nikkulaat Jeremiassen saqqummiussinermini aalisarnerup nakkutigineqarluni aqunneqarnerulernissaa siunertaralugu oqarpoq. 

AAMMA ATUARUK Nyt opgør om de kvotefrie zoner kan være på vej

Pinngortitaleriffimmiillu tamatumani ilalerneqarpoq.

- Killeqanngitsumik aalisarfiit atorunnaarsinneqarpata, imartat aalisagartassissuteqarfiusut pisassiissutissatullu inassutigineqartut imminnut naapertuutilissapput, aalisakkat pillugit ilisimatooq Rasmus Nygaard taama oqarpoq.

Kisianni qaleralinniarnermik aqutsinerulerneq aqutsiviusimanngitsuni aalisarunnaarnermik kinguneqartariaqanngitsoq, Nikkulaat Jeremiassen erseqqissaavoq.

- Uani tusarniutigineqarnerani pineqarpoq pisassiivinngortinneqarsinnaanerat, imaanngitsoq tassani aalisarunnaarsitsisoqarniartoq, Nikkulaat Jeremiassen sisamanngormat Qanoruumut taama oqarpoq. 

Killeqanngitsumik qaleralinniarsinnaatitaaneq aqutsiveqarfinni Upernavimmi, Uummannami Qeqertarsuullu tunuani Inatsisartuni amerlanerussuteqartunit 2014-imi akuersissutigineqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat