Nunarsuarmi eqqakkat 2050-iutinnagu marloriaatinngorsimassapput

Nunarsuarmi innuttaasut ilimagineqartutut amerliartornissaat, inuillu illoqarfissuarnut noorarnerat, ilaatigut nassuiaatigineqarpoq.

- Iliuuseqanngikkutta peqqissutsimut ajornartorsiutaasorujussuanngussaaq, naammassisaqarluarsinnaassuserpullu innarlerneqassaaq, avatangisiillu inuunermilu atukkat ajorseriassallutik. Silpa Kaza, nalunaarusiortut ilaat oqarpoq.

AAMMA ATUARUK Eqqagassat illoqarfinni annerni ikuallanneqartalissasut

Eqqakkanik katersuinerulerutta, atoqqiinerulerlutalu, eqqakkanillu passussineq pissusissamisoornerulerpat, taava aningaasarsiornermut avatangiisinullu iluaqutaassaaq, nalunaarusiortut oqarput.

Eqqakkat nunarsuarmi pingajorarterutaat eqqaavissuarnut ammaannartunut ullumi igiinnarneqartarput, allatullu iliuuseqarfigineqartaratik. Eqqakkat tamakku 90 procentiisa missaat nunanut pissakinnerusunut pisarput. Nunat tamalaat aningaaserivissuat taama naliliivoq.

AAMMA ATUARUK Eqqakkanut ajornartorsiummut ajornaatsumik aaqqiissutissaqanngilaq

Illoqarfiit eqqakkanik passussinermi ajornartorsiuteqartut tassaapput eqqakkanik passussinermut annerusumik aningaasaliisinnaassuseqanngitsut.

Pissutsilli aaqqiivigineqassappata suliffeqarfiit namminersortut taamaammat pingaaruteqaleraluttuinnarsinnaasut, Silpa Kaza isumaqarpoq.

Atoqqiisinnaanermut aaqqissuussinerit pitsaanerulersinneqarpata, nerisassanillu eqqaanerujussuaq annikillisarneqarpat, plastikkinillu atuineq annikillisarneqarpat, nunarsuarmi eqqakkat ataatsimut isigalugit annikilleriassapput. Nunat tamalaat aningaaserivissuata nalunaarusiaani taama inerniliisoqarpoq.

AAMMA ATUARUK Eqqakkat nunatsinniit anninneqassapput

Naak nunat pisuujunerit innuttaasa nunarsuarmi innuttaasut 16 procenteriinnaraluaraat, eqqakkat pingajorarterutaat nunanit taakkunaneersuusarput.

AAMMA ATUARUK Ilulissani eqqagassat 50 tonsit katersorneqartut

AAMMA ATUARUK Akiligassarpassuit eqqagassanut tunngasut