Akiligassarpassuit eqqagassanut tunngasut

Pisortanut akiitsoqarnermut suliaasartut pingajorarterutaat tassaasarput eqqagassalerinermut akiligassat. Aningaasaqarnermut Naalakkersuisup, Aqqaluaq B. Egedep akissutaani tamanna atuarneqarsinnaavoq.

Allattoq Kenneth Elkjær

februaarip 28-at 2018 13:27

Nutserisoq Connie Fontain

Akiligassanik naatsorsueqqissaarnermi eqqagassanut tunngatillugu akiitsoqartoqangaatsiartoq nalunaarsorneqarpoq. Tassa pisortanut akiligassat pingajorarterutaat anartarfilerinermut eqqagassanullu nalinginnaasunut akiligassaapput.

Aningaasaqarnermut naalakkersuisoq, Aqqaluaq B. Egede paragraf 37-imut Peter Olsenip Inuit Ataqatigiinneersup apeqquteqaataanut akissuteqarluni taama allappoq.

AAMMA ATUARUK Borgmesterit akiitsorineqartut amigaatigaat

Nunatsinni pisortanut akiligassat akilerneqanngitsut katillugit 317.250-usut naatsorsorneqarsimapput, taakkunannga innuttaasut eqqagassalerinermut akiligassaat 108.654-iullutik.

Eqqagassanullu tunngatillugu akiligassarpassuit akilerneqanngikkaluartut sulianut allanut sanilliullugit aningaasatigut ikinnerupput. Eqqagassanut akiligassat katillugit 33,5 millionit koruuniupput, taakku pisortanut akiligassanit, 769 millionit koruuniusunit 4.4 procentiinnaapput.

AAMMA ATUARUK Pisortanut akiitsut amerliartuinnarput

Akiligassarpassuit eqqagassanut tunngasut

Aamma atuaruk