Pisortanut akiitsut amerliartuinnarput
Pisortanut akiitsut suli amerlapput amerliartuinnarlutillu. Peter Olsenip Inuit ataqatigiinneersup apeqquteqarneranut akissummi tamanna atuarneqarsinnaavoq.
Allattoq Jonas Fievé, Ane-Marie Petersen
januaarip 23-at 2018 13:36
2017-ip naanerani innuttaasut pisortanut akiitsui 959 millionit koruunit missaaniittut suilianut 317.250 agguataarneqarsimasut, aningaasaqarnermut naalakkersuisoq Aqqaluaq B. Egede apeqqutinut akissummini taama allappoq.
AAMMA ATUARUK Ilanngaassivik er ikke en god løsning
2016-ip naanerani akiitsut 930 millionit koruuniupput 2017-illu ingerlanerani 30 millionit koruuninik amerleriarsimallutik.
Meeqqanut akilersuutissanut akiiliineq ajortut amerlanerpaapput. 2017-ip naanera taakku akiitsui 373 millionit koruuniullutik.
Meeqqanut akilersuutit saniatigut innuttaasut akileraarutinut akiitsui 238 millionit koruuniupput.