The Greenland Company eqqartuussivilersuunneqarmini pinngitsuutinneqartoq

Nauja Lynge suleqataalu Ulrik Merrild inuussutissarsiornikkut suliniummut nunatta karsianit aningaasaliiffigineqartumut atatillugu mianersuaalliorsimanerarneqarlutik Namminersorlutik Oqartussanit eqqartuussivimmut suliassanngortinneqarsimapput.

The Greenland Company eqalussuarmeersunik nioqqutissiornissamik siunertaqarsimavoq, ilaatigut eqalussuup sulussugutaanik suppiliassanik, Kangiani mamarsaatigineqarluartartumik tunisassiorniarlutik, aamma eqalussuup amia atisaliornermut atugassianngorlugu tunisassiariniarsimagaluarpaat.

Aamma atuaruk Tasiilami eqalussuarniartitsinerit iluatsilluarput

Nioqqutissanilli Kinamup eqqussuinissap Kinamiut oqartussaasuinit ajornakusoortinneqarsimanera Namminersorlutik Oqartussaniillu suliniummut tapiissutinik tunniussaqarnissaata akerleriissutigineqarnera pissutaallutik suliniut iluatsinngitsoorsimasoq aallarnisaasup oqaatigaa.

Tamatumalu kingunerisaanik Namminersorlutik Oqartussat Nauja Lynge inuussutissarsiutinut tapiissutinik atornerluisimanerarlugu eqqartuussivimmut suliassanngortippaat, tamannali eqqartuussivimmit isumaqatigineqarani suliffeqarfik pinngitsuutinneqartoq, Nauja Lynge nittartakkamut Sermitsiaq.AG-mut ilisimatitsissutigaa.

Aamma atuaruk Greenland Company eqalussuarniarnissamut piareerpoq

Aamma atuaruk Eqalussuup amianinngaanniit skuunut arpalluni atortakkanut

Aamma atuaruk Eqalussuup amii mutiliassatut