Eqalussuup amianinngaanniit skuunut arpalluni atortakkanut

Kalaallit Nunaata eqalussuaata Narsap avataani imaani 2 kilometerimik itissusilimmeersup amianit skuut arpalluni atortakkat sananeqartalernissaat pillugu Greenland Company-p atisaliorfittut ingerlatseqatigiiffimmik Hummel-imik suleqateqarneq aallarnerpaa.

Eqalussuaq 6 meterisut angissuseqalersinnaavoq sinerissamilu aalisartunit uumigineqarluni, Kalaallit Nunaata eqalussuaa. Aalisagaq tunisassiarineqarneq ajortoq qassutinik allaammi nannunik sunillu tamanik oqummiussisinnaasoq, allaammi nerpia toqunartortaqarnini pissutigalugu nerineqarpiarsinnaanngitsoq.

Maannali eqalussuaq tusaamanerlugaasoq kiisami iluaqutissatut atorniarneqalerunarpoq. Greenland Company-p Hummel suleqatigalugu eqalussuup amia skuunut arpalluni atortakkanut atornialerpaa. Ilusilersuisartup isumassarsisullu Nauja Lynge-p oqarnera naapertorlugu eqalussuup amia piukkunnarluinnartuuvoq.

- Assersuutigalugu nersussuup amianinngarnit arfineq-marloriaammik ninnguneruvoq taavalu "anersaartorsinnaalluni", ilisimasakkalu naapertorlugit amermik taama pitsaatigisoqanngilaq, Nauja Lynge oqarpoq.

Eqalussuup amianit skuuliat qaqugu illit eqqanniilissanersut ilisimaneqanngilaq. Qularnanngilarli sananeqartut siulliit kunngissaq Frederimmut inniminneerneqassasut. Skuulli aamma akerliuniarfigineqarput.

Hummel kunngikkormiullu inunnit neqitortuunngitsunit amiinillu atisaqarumanngitsunit kiisalu uumasunik illersuiniaqatigiinnit kamattunit allagarsisalereerput. Eqalussuit assigiinngitsut amerlaqisut nungutaanissaminnik ulorianartorsiornerarlugit taakkua uparuartuipput. Taakkua Kalaallit Nunaata eqalussuaa aamma taamatut atugaqassasoralugu annilaanngatigaat, eqalussuup amia mutinngussappat piumaneqarlualerlunilu.

- Kisiannimi aalisagaq tunisassiarineqarneq ajorpoq, pilersaarutillu imminut napatittumik ingerlalernissaa sulissutigaarput. Tassa imaappoq, maannakkorpiaq eqalussuit piniarpavut, piffissallu ilaani taakkua killilersorneqalissagunarlutik, aammalu Greenpeace-mut allanullu soqutiginnittunut nalunaarutigineqassaaq nunarsuarmi uumasut tamarmik killilersuiffigineqanngikkunik nungutaanissaminnut ulorianartorsiortussaammata, Nauja Lynge isumaqarpoq.

Taassuma tikkuarpaa Kalaallit Nunaata eqalussuaata iluaqutissartaasa tamarmik atornissaat Greenland Company-p pingaartimmagit. Ilaatigut naparutaat Asiami suppaliarineqartarput tingualu kræftip ilisimatusarfigineqarnerani nakorsaatitut atorneqartarluni.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat