Politikki Inuussutissarsiutit

Natsiit amiinik suliareqqiisarneq Great Greenlandip nangissavaa

Natsiit amiinik tunisinerup ingerlaannarnissaanik, ammilli kingorna kasiilerneqartarnissaannik Naalakkersuisut ukiup aallartinnerani aalajangiinerat uissuummissutaavoq.

Allattoq Karsten Sommer

maajip 10-at 2016 10:42

Nutserisoq Simon Uldum -

Naalakkersuisulli ilassutitut aningaasaliissutinik Aningaasaqarnermut ataatsimiititaliamut qinnuteqaataata akuerineqarneratigut natsiit suliareqqinneqartarnerat nanginneqarsinnaanngorpoq.

Naalakkersuisoq Vittus Qujaukitsoq tusagassiorfinnut nalunaaruteqarluni taama allappoq.

Great Greenlandip piffissami sivisujaami aningaasaqarnermigut artukkersimaneqarsimanera nassuerutigaa.

Aamma atuaruk Puisit amii ikuallanniarunnaaginnaraat

- Taamaalilluni ingerlatseqatigiiffik ingerlallualerseqqinniarlugu tamanik tunngatitamik ingerlatitseqqilernissamut pilersaarut pisariaqarsimavoq, Naalakkersuisoq Vittus Qujaukitsoq taama oqarpoq:

Suliareqqiinerup ingerlateqqilernissaanik periarfissiisumik ilassutitut aningaasaliinissamut aningaasanik Naalakkersuisut, Aningaasaqarnermut Ataatsimiititaliaq suleqatigalugu nassaarsimapput. Great Greenlandip aningaasaliiffiunerani aningaasartuutaanik oqilisaaviginninniarlutik Aningaasaqarnermut Ataatsimiititaliamut aningaasaliissutinik 0,8 millionit koruuninik Naalakkersuisut qinnuteqarsimapput, Vittus Qujaukitsoq taama allappoq.

Aamma atuaruk Great Greenlandip puisit amiinik ikittukkaarlugit tunisisarneq killilersimaarusuppaa

Aamma atuaruk Pilersaarut nutaaq: Ammit tunisat iginneqartassapput