Puisit amii ikuallanniarunnaaginnaraat
![](/sites/default/files/styles/image_934x467/public/article_images/saelskind_5_0_0.jpg?itok=nkCMhn44)
Ammerivimmi ammit ikuallanneqartussaagaluartut suliarineqarnissaannut matussutissanik Naalakkersuisunit aningaasassarsivoq. Atugagdliutit ullumi saqqummersoq taama allaaserisaqarpoq.
Ammit suliffeqarfiup Qaqortumi toqqorsiviani uninngaannartut ikuallanneqarnissaannik Great Greenland ukiup aallartinnera nalunaarfigineqaraluarpoq.
Aamma atuaruk Great Greenlandip puisit amiinik ikittukkaarlugit tunisisarneq killilersimaarusuppaa
Atuagagdliutini allaaserisaq naapertorlugu, Naalakkersuisut marsip qaammataani ataatsimiinnerannit imaqarniliami atuarneqarsinnaavoq ammit suliarineqarsinnaaqqullugit ingerlatsinermut sillimmatinit 3 millionit koruunit missaannik Inatsisartut aningaasaqarnermut ataatsimiititaliaannut immikkut aningaasaliissutissanik qinnuteqarnissamik aalajangersimasut.
Aningaasallu qinnuteqaatigineqartut - 2,75 millionit koruunit - aningaasaqarnermut ataatsimiititaliamit akuersissutigineqarput.
Aamma atuaruk Pilersaarut nutaaq: Ammit tunisat iginneqartassapput
Taamatullu aalajangertoqarnera Great Greenlandip pisortaata Ditte Sorknæsip nuannaarutigaa, amernimmi tunineqartunik aserorterinissaq nuannarinnginnamiuk.
Pisortaq naapertorlugu, ammit takisuunik meqqullit Nunatsinni nunarsuarmilu tunineqarsinnaanngivipput. Great Greenlandilli amernik takisuunik meqqulinnik naatsunillu meqqulinnik immikkoortitsilernissaa siunertaanngilaq. Aningaasaliissuteqarnermummi atatillugu amminik tamanik qitulisaanissamik pisussaaffiliisoqarmat, Atugagdliutit taama allaaserisaqarpoq.