Narsami akerliussutsimik takutitsisoqarpoq

Royal Greenland –ip pisortaanera Henrik Leth Narsami qulimiguullit mittarfianut nunnimmat akerliussutsimik takutitsisut 150 –it missaaniittut ualimut taakkupput. Narsarmiut oqariartuutaat erseqqippoq. Raajanik tunisassiorfimmi tunisineq unitsinneqaqqunngilaat.

Narsami Sulinermik Inuussutissarsiuteqartut peqatigiiffiata siulittaasuata Sakæus Korniliussen-ip ilaatigut apeqqutigaa, Royal Greenland kilisaataateqarnersoq peqassappallu Narsamut tunioraanissaat ajornarnersoq.

- Taamaalilluta suliffissuup Narsami raajaleriffiata matuniarneqarnissaa akerleralugu Narsamut tikinnissinni tikilluaqqujumavassi, Sakæus Korniliussen Narsami akerliussutsimik takutitsisut sinnerlugit ilaatigut taama oqarpoq.

Royal Greenland –ip pisortaanerata Henrik Leth –ip Narsarmut tikinnermini akerliussutsimik takutitsinerat paasisinnaanerarpaa.

- Aqagu kommunalbestyrelsi SIP –lu ataatsimeeqatigineqartussaapput Royal Greenland –ip tungaaninngaanniit. Qularinnginngilluinnarpara tamanut isumaqatigiissutigineqartumik aallisakkerivimmik pilersitsinissaq nassaaariiffigeqatigiissinnaagipput, Henrik Leth ualigaa Narsamut tikikkami akerliussutsimik takutitsisunut taama oqarpoq.