Naluttartut coronamit eqqugaasut: Timmisartoq ulikkaaqqammat unamminissamut periarfissarsisoqarpoq
Sissu Petersen Nuummeersoq Reykjavik international gamesimi pingasunik ujaminnappoq.
Unamminissat sioqqullugit naluttartut Nuummeersut coronamit eqqugaasortallit ilagalugit Nuummut utertussaanikuugaluarpoq.
- Timmisartumut Nuummut ingerlasussamut ilaasussat amerlanaarlugit akuerineqarsimapput. Taamaasillutik naluttartut pingasut Reykjavikkimiiginnartussanngortinneqarput, Nuummi naluttartut sungiusaasuat Jonas Tetzchner KNR-mut oqaluttuarpoq.
AAMMA ATUARUK Naluttartut Nunatsinneersut Islandimi coronamit eqqugaasut
Taanna nammineq mattusimagallartunut akunnittarfigitinneqartumi Reykjavikimi najugaqarallarpoq naluttartut pingasut peqatigalugit sapaatip akunnera kingulleq tikereerlutik covid-19-mik napparsimasutut paasineqaramik.
Taama pisoqarmat Nuummi naluttartuni aalajangertoqarpoq suli tunillatsissimanngitsut Nuummut angerlassasut unammisaqattaarnerit suli aallartinngikkaluartutut Reykjavikkimiitillutik mattusimagallartinneqannginniassammata.
Sissu Petersen, Kalle Poulsen aamma Isak Haarbo-Nygaard Reykjavik international gamesimi unammeqataapput tassanilu Sissu Petersenip ukioqatimini pingasunik ujamminnapput. Kalle Poulsen aamma Isak Haarbo-Nygaard pitsaanerpaaffitsik qaangerlugu angusaqartut.
Qallunaat tapersiipput
Jonas Tetzchnerillu ugguaarilluinnarpaa niviarsiaqqat ilaat kalaallit naluttartut angusarisagaanni oqaluttuarisaanermut ilanngussiffiusumik angusaqarsimasinnaagaluarmat.
- Unamminissaq qanilliartortillugu naluttartut siuariartuinnavinnikuupput assut soqutiginaateqartumik, Jonas Tetzchner oqaluttuarpoq.
- Naluttartut tallimat ujaminnassimasinnaagaluarput. Taakku ilaat Navarana Olsvig naluttaatsimi butterflymi 200 meterimut siullerpaamik inersimasuni ujaminnassinnaarpasikkaluarpoq. Kalaallimik naluttartumik inersimasuni Reykjavik international gamesimi ujaminnattoqarnikuunngilaq, Jonas Tetzchner oqarpoq.
Naluttartut Reykjavikkimiiginnarallartut Danmark sinnerlugu nunanut allanut unammisartunit qiimassarneqarput taakku Nunatsinneersut ilalersoqattaarmatigit.
AAMMA ATUARUK Sissu Petersen nalunnermi Danmarkimi pissartanngorniunnermi bronzennappoq
Nunatsinneersuni ilalersuilluartut ilagaat Tobias Bjerg naluttaatsimi brystsvømningimi 50 aamma 100 meterimut rekordimik piginnittuusoq.
Tobias Bjergip aamma Sissu Petersen ukiarmi ukioqatigiit Danmarkimi pissartanngorniunneranni atortussaanik tunivaa. Taamanikkut Sissu Petersen kalaallini siullersaaluni qallunaat ukioqatigiit pissartanngorniunneranni bronzennappoq.
rskaber i efteråret, hvor han som den første grønlandske svømmer vandt medalje med danske årgangsmesterskaber.
