Politiet ullormut nalunaarutaat: Angut Ilulissani saassunneqartoq
Angut arfininngornerup unnuaani Ilulissani saassunneqarpoq.
Pigaartut pisortaat Aputsiaq Hansen taama ilisimatitsivoq.
Angut inunnit arlalinnit Kussangajaannguami saassunneqarpoq. Kiinaatigut annersarpaat isimmittarlugulu, pigisaalu taamaaliortunit tillinneqarput. Taamaattumik pisimasoq ujajaanertut misissorneqarpoq.
Angut pisoq pereersorlu nammineerluni angerlarsinnaasimavoq, tassanngaanniillu nalunaaqutaq 03.49 politiinut saassunneqarnini pillugu unnerluussilluni sianerpoq. Pisoq qassinorpiaq pisimanersoq suli naluneqarpoq, unnerluussisoqanngitsiartorli pisimavoq.
Politiit saassussinermut saassussisoqannginneraniluunniit pisunik takunnissimasussarsiorput.
Takunnittut oqarasuaat 70 14 48-mut saaffiginnissinnaapput.
Aamma politiit Paamiuni arfininngornermi ullaakkut nalunaaqutaq 08.25 sakkortumik nakuusertoqarsimaneranut tunngasumik suliamik misissuipput. Suliaq pillugu massakkut allanik paasissutissaqanngilaq.
Pigaartut pisortaat tamatuma saniatigut oqaatigaa, ulloq unnuarlu kingulleq imigassartorsimanermut attuumassutilinnik pisoqarfiusimasoq, angerlarsimaffimmi nakuusernernik aqqusinermilu eqqissiviilliornermut tunngassuteqartunik pisoqartarsimammat.
