Politiit ullormut nalunaarutaat: Ukiukitsoq ulloq unnuarlu angerlarsimaffimmi sulisumut nakuusertoq
Nuummi ulloq unnuarlu angerlarsimaffimmi sisamanngornermi unnukkut pisoq ingasatsikkaluttuinnarpoq, tassani ukiukitsup sulisut ilaat sioorasaarlugulu nakuuserfigimmagu. Tamanna Kalaallit Nunaata Politiivisa ilisimatitsissutigaat.
Politiit sisamanngornermi unnukkut nalunaaqutaq 20.22 pisoq pillugu nalunaarfigineqarput.
- Pineqartoq pillugu assingusunik suliat ingerlareernikuupput, taamaattumik tamanna unnerluutiginnissutaasinnaanersoq inatsisilerituut maanna nalilissavaat, pigaartut pisortaat Carl Sværd oqarpoq.
Taamaattoqassappat nukappiaraq tigummigallarneqassaaq, tassa imaappoq ukiukitsuunera pissutigalugu inuusuttuaqqat parnaarussiviannut paarnaarunneqassaaq.
- Akiuunnera pissutigalugu tigusarinninneq qajassuaappoq, pigaartut naalagaat nangilluni paasissutissiivoq.
Politiit naapertorlugit sulisup taassuma qanoq issusaa ilungersunanngilaq.
