Politikki

Naalakkersuisut kommunip avinnissaa akilissagaat

Qaasuitsup kommuniata avinneqarnissaanut Naalakkersuisut aningaasaliinissamut piareersimapput. Inatsisinik atuutsitsinermut ataatsimiititap tapiissutissatut aningaasaliinissamut isumaliutissiissutaanni tamanna takuneqarsinnaavoq.

Allattoq Jonas Løvschall-Wedel

novembarip 18-at 2016 15:34

Tassani erserpoq Qaasuitsup Kommuniata avinneqarnissaanut Naalakkersuisut 8 milliuunit koruunit immikkoortissimagaat, tassa aningaasartuutissatut takorloorneqartut affangajarivaat.

Aningaasartuutissat amerlisussaasut

Avitsinerup kingorna ingerlatsilernissamut kommunini marlunni aningaasartuutissat amerlisussaassapput. Naalakkersuisut erseqqissaapput matumani aamma ikiorsiissuteqartoqarsinnaasoq.

Aningaasartuutaanerusussat aamma siunissami kommuninut tapiissutaasartussanut naligiissaarisarnissamullu missingersuutitut ilusilersueqataassapput.

Taamatulli nutaaliorneq naatsorsuutigineqarpoq 2018-19-imi naammassineqarumaartoq.

Aamma atuaruk Qaasuitsup akiligassaq akilissavaa

Aamma atuaruk Kommunip avinneqarnissaanut eqqarsarluartoqaqqaassasoq

Aamma atuaruk Kommunip avinnera Nunatta karsiata akilissanngikkaa

Aamma atuaruk Tamat oqartussaanerat akeqarpoq Qaasuitsulli Kommunia akiliisimanngilaq