Qulaarpaa Qaasuitsup akiligassaq akilissavaa
Enok Sandgreen tamat oqartussaaqataanerannut kommunimullu ataatsimiititaliami siulittaasutut kommunip avinneqarnernissaata kingunerisassai, akornutigisinnaasai iluaqutigisinnaasaalu pillugit innuttaasut paasissutissiiffiginiarlugit innuttaasut taasisinneqarnissaat sioqqullugu nuna tamakkerlugu angalavoq.
Taamaakkaluartorli isumap pitsaasuunera ajortuuneraluunniit erseqqissumik akisinnaanngilaa.
Kommunilli angivallaarnera erseqqissarpaa.
- Tassami oqaluttuassartaa unaavoq, 1600 kilometeri affaannanngortikkutsigu, taava suleqatigiinnerup qanillinissaa qularutissaanngilaq, Enok Sandgren oqarpoq.
Aamma atuaruk Avinnerup iluaqutaanissaa qularnartoq
Enok Sandgreen
Kikkut tamat oqartussaaqataanerat, Kommune, Attaveqaqatigiinnermilu Ataatsimiititaliami siulittaasoq.
Qaasuitsup Kommunia
Attumit Siorapalummut ungasippoq
Sandgreen naapertorlugu kommunimi kulturikkut nikingassutaasup angivallaarnera ajornartorsiutaavoq, Attumiillu Siorapalummut ungasippallaarnerarpaa.
Taassuma saniatigut tapersiisunik akerliusunilluunniit KNR-imit marloriarluni apersorneqarneqarnermini tunngavilersuutissaqanngilaq.
Aamma atuaruk Nalunaarusiaq: Kommunip avinnissaa akisussaaq
Kommunip avinneqarnissaanut tunngavilersuiffiulluarsinnaasoq tassaavoq akissaa. BDO-mit nalunaarusiami missiliorneqarpoq, kommunip avinneqarnerani allaffissornikkut suliat marloriaatinngussasut politikerillu amerlanerusut akilerneqassallutik taamaalillunilu aningaasat minnerpaamik 15 millionit koruunit ukioq siulleq atorneqassasut, ukiunilu tulliuttuni minnerpaamik 10 millionit koruunit atorneqarlutik.
"Uagut akilissavarput."
Tamannalu akikitsoq Enok Sandgreen isumaqarpoq, erseqqissarlugulu avannaata kommunia nammineq akiliisinnaasoq.
- 10 millioninnguit massakkut suunngingaaramik asuli oqaluttuaannaapput, akilissavagut, Sapinngilagut aamma artorsaatissaanngilaq aningaasat taama ikitsigisut, Enok Sandgreen oqarpoq.
Paasissutissat
Qaasuitsup Kommuniata kommuninut marlunnut nutaanut avinneqarnerani innuttaasut immikkut 5.267 koruuninik ukiumut akileraarnerusalissapput.
Akileraartartulli innuttaasunit ikinnerummata akileraartartunut ataasiakkaanut akileraarutissat qaffasinnerussapput.
Tusarfik: BDO
- 10 millioninnguit massakkut suunngingaaramik asuli oqaluttuaannaapput, akilissavagut, Sapinngilagut aamma artorsaatissaanngilaq aningaasat taama ikitsigisut, Enok Sandgreen oqarpoq.
Aamma atuaruk Kommunip avinneqarnissaa arlaannaataluunniit akilerumanngikkaa
