Naalakkersuisut Transparencyp isornartorsiuinera isumaqatiginngilaat
- Ingerlatseqatigiiffinnut allattoqarfimmi paasinnittaasaat naapertorlugu soqutigisat aporaannavianngillat Royal Arctic Line A/S-ip siulittaasua ilisimasatsitut timmisartortitseqatigiiffimmut akulerusimanerata Royal Arctic Linemi siulersuisuni siulittaasuunissaanut, Naalakkersuisut siulittaasuata naalakkersuisoqarfiani pisortaq Søren Hald Møller KNR-imut taama allappoq.
Aamma atuaruk Siulersuisuni ilaasortat allanik atuuffeqarneri eqqarsaatigineqartariaqarput
Tranparency International Greenland - TIG - taamaalilluni akissuteqarfigaa, suliniaqatigiiffimmi taanna isumaqarmat Royal Arctic Linemi siulersuisuni siulittaasoq Kuno Fencher attaveqaqatigiinnermut naalakkersuisoqarfimmi sulisunut isumaqatigiinniarnerni matoqqasuni Royal Arctic Linep ingerlanneqarnera pillugu isumaqatigiinniariarluni kingorna silaannakkut angallanneq pillugu sullissinissamik isumaqatigiinniartartussaammat.
Søren Hald Møllerili isumaqarpoq tamanna ajornartorsiutaassanngitsoq.
Aamma atuaruk Naalakkersuisut siulersuisunut ilaasortanik toqqaanertik itisilerusunngilaat
- Malittarisassammi atuuttut soqutigisat aporaatinnginnissaannut attuumavallaannginnissamullu pinaveersaartitsisarput. Taamaattumik RAL-imi siulersuisuni siulittaasuusoq naalakkersuisoqarfimmut taamatut attuumassuteqariarluni, allakkut Aluu Airlinesimut sinniisuusinnaavoq. Suliffeqarfiit eqqartukkavut sammisassarisatigut aporaaffeqanngitsut Søren Hald Møller taama allappoq.
Aamma atuaruk Siulersuisut toqqarneqarnerannut tunngavilersuutit Transparencymit paaserusunneqarput
Aamma atuaruk Lennert Mortensen: Aqutsineq pingaaruteqartuassaaq