Naalakkersuisoqataasut HFO-mut isummernissaminnut tunuarsimaanngitsut
Mingutsitsinnginnissamik politikkeqarneq timitalerneqartariaqartoq naalakkersuisooqataasut Atassutikkut isumaqarput.
- Mingutsinnginnissamillu politikkeqarniannguaasaarluta taama atungassaqartitsineq imaannaanngitsuuvoq, Atassutip siulittaasua Siverth K. Heilmann oqarpoq.
AAMMA ATUARUK Naalakkersuisut HFO inerteqqutaalissanersoq ersarissumik akissuteqarfigisariaqarpaat
AAMMA ATUARUK RAL sejler på HFO herhjemme - men ikke andre steder
Royal Arctic Linep 100 millionit koruunit missaanniittut orsussamut ukioq manna atussagaat RAL-ip pisortaanerata paasissutissiissutigaa. Orsussamillu mingutsitsinnginnerusumik atuisoqalissappat ukiumut 50 - 75 millionit koruunit missaannik aningaasartuuteqarnerussanerarlutik.
Tamannali aporfiusariaqanngitsoq Atassutip siulittaasua isumaqarpoq, Inatsisartunilu ilaasortaqatini tamatuminnga suleqatiseralugit.
- Imaanngitsoq una akisuallaaqimmat inuiaqatigiinnut unittoorutigiinnassagipput kisinnili imartatta aalisarnikkut inuussutissarsiutitut pingaarnersaata innarlerneqannginnissaa silaannattalumi soorunalimi pingaarnerpaarpaatut Atassumminngaanniit isumaqarfigaarput, Siumumiillu HFO atorunnaarsinneqarnissaa suleqataaffigineqarusuppoq.
Kisianni:
- Soorunami tassanngaannartumik atorunnaarsinnissaa ajornakusoorpoq nunatsinni angallatini suli annertuumik atugaammat. Tassanngaannartumik pinissaq ajornaqaaq, Siumut sinnerlugu Inatsisartuni ilaasortaq Jens Danielsen oqarpoq.
AAMMA ATUARUK Der skal laves en klar lovgivning om HFO
AAMMA ATUARUK Der er foretaget tilstrækkelige undersøgelser af HFO
Partii Naleqqap uulia kinertoq sinerissami qanittumi inerteqqutaalernissaa piumasaqaatigaa.
- Tassami ineriartorneq ilutigalugu taamatut uulia kinertup annikillisarnissaa nunarsuarmi siunnerfigineqarnera ajunngilluinnarpoq, Partii Naleraq sinnerlugu Inatsisartuni ilaasortaq Jens Napaattooq taama oqarpoq, erseqqissarlugulu atuisunut aningaasatigut sunniuteqarsinnaammat Naalakkersuisut misissuilluaqqaarnissamik kissaateqarnerat tapersersorini.
Nunatta Qitornaasa uuliap kinertup nunatta imartaani atungaanera tunngaviusumik akerlerinngilaat. HFO-lli atugaanerata annertunerpaaffilerneqarsinnaara oqalliseqataaffigisinnaanerarpaat.
