Illuatungiliuttut: HFO erseqqissumik inatsisiliuunneqartariaqarpoq

Uuliap kinertup nunatta imartaani atugaanera Naalakkersuisunit erseqqissumik isummerfigineqartariaqarpoq. Taamatuttaaq erseqqissumik paatsoorneqarsinnaanngitsumillu inatsisiliuunneqartariaqartoq partiit illuatungiliuttut isumaqarput.

Uulia kinertoq HFO-mik taaneqartartoq nunatta imartaani umiarsuit orsussatut atortarpaat. Orsussalli taassuma pinngortitamut mingutsitsinerujussua peqqutigalugu nunani allani amerlasuuni inerteqqutaavoq.

Naalakkersuisuniilli HFO suli erseqqissumik isummerfigineqanngilaq, illuatungiliuttullu annersaata Inuit Ataqatigiit naalakkersuisut erseqqissumik isummerfigeqqullugit kaammattorpaat.

AAMMA ATUARUK HFO-mut ilisimasat naammapput

Illuatungiuliuttunniittut aamma, Demokraatit, uuliamik kinertumik orsussaqarneq pillugu erseqqissumik aamma inatsilioqqusipput.

- Mattutivinngilarput, kisianni aamma nunarput mianerisariaqarparput. Kisianni taamaakkaluartoq aningaasarsiortariaqaratta killilimmik mianersuullugu nunarput isummertariaqartugut aamma inatsisiliortariaqartugut ersarissumik paatsoorneqarsinnaanngitsumik, Nivi Olsen oqarpoq.

AAMMA ATUARUK Naalakkersuisut HFO inerteqqutaalissanersoq ersarissumik akissuteqarfigisariaqarpaat

Uulia kinertoq nunatta imartaani inerteqqutaaleraluarpat kingunerisinnaasai iluamik misissorneqarnikuunngimmata Naalakkersuisut suli isummersinnaannginnerarput.

Kisianni HFO atorunnaarsinneqartariaqartoq, Suleqatigiissitsisut oqarput.

- Avatangiisit eqqarsaatigalugit iliuuseqartartuuneq akeqarpoq. Tassalu aningaasartuut ataaseq. Kisianni pissutsit taamaapput. Kisianni akisunerulaarnissaa eqqarsaatiginagu maligassiuisuunissaq pingaartuutipparput, Suleqatigiissitsisut siulittaasuat Michael Rosing oqarpoq.

AAMMA ATUARUK RAL-ip nunatta qanittuatalu imartaani HFO ikummatigaa – allanili naamik

Nunatta minguissusaata nittarsaassutigalugu tanngassimaarutigiutigalugu HFO pillugu erseqqissumik isummerusunnginneq oqaluinnarnerunerarlugu Demokraatit isornartorsiuipput.

- Uani maluginiarparput pissutsini piviusuni akisinnaaneq ajortut. Assorujuk iluaappoq, uaguulluni isummerfigineqarsinnaanngitsut. Allornernik ikattunik siuttuuffigisassaraluit siuttuuffigineqarsinnaanngitsut akineqarsinnaanatillu, Nivi Olsen oqarpoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat