Naalakkersuinermik suliaqartut meeqqallu digitalikkut sillimaniarneq oqaluusereqqammeraat
Meeqqanut ataatsimeersuartitsineq pisarneq malillugu NAKUUSAp aaqqissorpaa.
Ukioq manna meeqqanut ataatsimeersuartitsineq Ilulissani nuna tamakkerlugu aggersunit meeqqanit 34-nit peqataaffigineqarpoq.
Ataatsimeersuarnerminni imminnut inuunerminnullu pingaaruteqarnerpaat tamaasa oqallisigaat.
Digitalikkut attaveqatqatigiinnermi illersorneq oqallisigineqassasoq
UNICEF-imi sammisanut ingerlatsisoq Tina Dam oqaluttuarpoq qarasaasiatigut attaveqaqatigiittarnermi meeqqanik illersuineq ukioq manna sammineqassasoq.
Meeqqat namminerisaminnik sammineqartussaq toqqarpaat. Taamaattumillu imminnut suut pingaaruteqarnersut oqaluuserissallugit ilisimaarilluarpaat.
- Qarasaasiakkut attaveqaqatigiifftarfinni meeqqat inuusuttullu illersorneqarnissaat Meeqqat ataatsimeersuarneranni ukioq manna sammineqassasoq Meeqqat isummersorfianiittut meeqqat namminerisaminnik aalajangerpaat. Digitalikkut attaveqaqatigiinnermi mianerisassat ernummatigineqarsinnaasullu nalaassinnaasami suuneranik taamatut toqqaanerup paasinninnerannik naqissuseraa Tina Dam oqaluttuarpoq.
Digitalikkut piviusuusumi toqqissisimasumik ajornanngitsumillu qimerluualaarisinnaaneq ajornanngitsuinnaanngilaq. Uffa aamma ilitsoqqissarigaluarlugu.
Meeqqanut toqqissisimanerunerulernissamut suut sakkugisinnaasat pilersissinnaanerlugit oqaloqatigissutiginissaat taamaattumik pingaaruteqarpoq.
Tina Damip naqissuserpaa:
- Qarasaasiatigut toqqissilluni qimerlualaarnissamut sakkussanik ilisimasanillu pisariaqartunik pigisaqarnissaq qulakkiissallugu aatsaat taamak attaveqaqatigiittarfinnik digitalikkullu toqqannartumik atuiffiuinerulersumi pisariaqalerpoq, taanna oqarpoq.
Inatsisiliortut tusaaniassapput
Ataatsimeersuartuni atorfillit naalakkersuinikkullu suliaqartut ukioq manna peqataarngassapput.
Toqqaannartumik attaveqaqatigiinnerni meeqqanik inuusuttullunillu pitsaanerusumik illersuinissamik tigussaasunik anguniakkanik saqqummiussissapput aamma meeqqanik oqaloqateqarlutik ilisimasanillillu saqqummiussiffigineqassallutik.
Persuarsiorfiusumik pisussamut atatillugu Naalakkersuisut siulittaasuannut Múte B. Egedemut kingusinnerusukkut ukioq manna meeqqanit tunniunneqartussanik ataatsimeersuarnerup nalaani kaammattuutissanik meeqqat isumaqatigiissuteqassapput.
Ulluni taakkunani naalakkersuinikkut suliaqartut peqataanissaat assut Tina Damimut nuannaarutaavoq:
- Meeqqat ataatsimeersuarnerannut qaaqqusissutitsinnut naalakkersuinikkut suliaqartut tigusilluarnerat nuannaarutigeqaarput. Tamassumammi takutippaa meeqqanik peqataatitsiniarneq pimoorukkaat meeqqallu oqaasissaannut tusaaniartut, taanna sapaatiummat ataatsimeersualertigatik oqarpoq.
