Myanmarimi sakkutuut naalakkersuisut kingumut assuarineqangaalerput

Illuatungiliuttut siulittaasuat illumit ukiuni 19-ini aneqqusaannginnermini ukiuni kingullerni 13-ini maleruagassanik unioqqutitsisarsimasutut sakkutuut naalakkersuisuisa unnerluutigaat.

Aung San Suu Kyi illumit aneqqusaannginnermini amerikamiumik ulluni marlunni pulaartoqarsimavoq, pulaartualu taanna tikeraakkami eqqaani tatsimi nalunnguarsimavoq. Amerikamiu taanna angut utimut nalunnerani tigusarineqarpoq.

Illuatungiliuttut siulittaasuannut, 63-inik ukioqartumut, Nobelillu eqqissinermut nersornaasiuttagaanik nersornaasigaasimasumut, pisoq, pivoq, arnap illumit aneqqusaaqqilernissaanut sapaatip akunneri marlussuit kinguleruttullu, tassa ukiut kingulliit arfinillit kingulliit aneqqusaannginnera maajip ulluisa 27-anni atorunnaartussaavoq. Suu Kyi parnaarussivimmut Inseinimut, nunami tusaamanerlugaanerpaamut, nuunneqarpoq.