Myanmarimi inuit tusindilikkaat mumisitsiniartut

Yangonimi inuusuttut sakkutuuunut kisermaassillutik naalakkersuisunut uppisitsiniaallutik anguniagaqarput. Akerliussutsimi takutitsinermi kingullermi inuit ikinnerpaamik tallimat toqutaapput.
Myanmarimi inuit tusindilikkaat mumisitsiniarlutik akerliussutsimi takutitsisunut peqataapput. Assi © : Handout/Ritzau Scanpix
Allattoq Ritzau
maajip 02-at 2021 17:07

Myanmarimi inuit tusindilikkaat akerliussutsimik takutitsisut, Myanmarimi mumisitsinissaannik sapaammi kaammattorneqarput.

Nunami tamaani maanna sakkutuut aqutsilerneranniit qaammatit pingasut qaangiupput.

Taamanerniilli illoqarfiit angisuut, nunat ilaat, allarpassuillu akerliussutsimik takutitsilerput.

Myanmarimi illoqarfiit annersaanni, Yangonimi, inuusuttut illoqarfiup qeqqani ataatsimoorlutik aqutsineq pillugu oqariartuuteqarput.

- Sakkutuut kisermaassillutik naalakkersuinerat uppisinnissaat siunertaraarput, inuusuttut, assammi inuai pingasut siaaqqatillugit taama suaartarput, taamaaliornertik sakkutuut naalakkersuinerannut akerliunermik takutitsineruvoq.

AAMMA ATUARUK Myanmarimi sakkutuut alapernaarsuiviisa ilaanni sakkuaattoqartoq

Taakkuli sakkutuunit tigusarineqannginnerminni aallaaneqannginnerminnillu sukkasuumik qimagutigasuaqqipput.

Sakkutuut akerliussutsimik takutitsisunut sakkortuumik saassussipput. Februaarip aallartinneraniit maannamut inuit 759-it toqutaapput tusindilikkaallu tigusarineqarlutik.

Myanmarip kangisissuaniittumi naalagaaffiup ilaani Shanimi inuusuttorpassuit aqqusinermi ingerlaarput.

- Aqunneqarsinnaanngilagut, taakku oqariartuuteqarput

Inuusuttut taakku aqqusinerni politiinit sakkutuunillu tigusarineqarniarsarisut, Muanmarimi nutaarsiassaqartitsiviit allapput.