Myanmarimi sakkutuut alapernaarsuiviisa ilaanni sakkuaattoqartoq
Myanmarimi sakkutuut Myanmarip kangisissuani Thailandimut killeqarfiata nalaani siuarlutik alapernaarsuiviisa ilaata eqqaani marlunngornermi sakkuaattoqalerpoq.
Takunnittut Thailandimeersut taama ilisimatitsipput.
Politikkikkut suliniutilip naggueqatigiillu Karénit pikititsisut suliniaqatiiffiata Karén National Unionip oqaaseqartartuata oqaatigaa, Myanmarimi sakkutuut siuarlutik alapernaarsuiffiat Myanmarimi sakkutuut nunami tassani naalakkersuisunik uppisitsinerisa kingorna sakkuaannerit sakkortunerpaat ilaanni tiguarsimallugu.
AAMMA ATUARUK Myanmarip Tuluit Nunaanni aallartitaa Londonimi aallartitaqarfimmit anisitaasoq
Killeqarfiup nalaani eqqartoqarpalunnera Thailandimit tusaaneqarsinnaasimavoq, orpippassuillu ilaannit pujuliortoqarnera inoqatinut attaveqaatitigut takuneqarsinnaalluni.
Naggueqatigiit Karénit Myanmarimi ikinnerussuteqarput, Myanmarimilu sakkutuunut ukiorpassuanngortuni illuatungiliisutut inissisimasimallutik.