Assi: Merete Lindstrøm

Imigassaq pillugu inatsit Meeqqat Ikiortigit politikerinit nutaanik suliniuteqartitserusuttoq

Meeqqat Ikiortigit imigassaq pillugu inatsimmut sukannersumut sapaatip akunnerani matumani utertinneqartumut taarsiullugu qanoq pisoqarnissaanut akissutiserusuppoq.

Imigassaq pillugu inatsimmut sukaterissutigineqarsimasut marsimit 2018-imit ingerlalluaraluartut sisamanngormat utertinneqarput.

Inatsisip sukannersup qasukkannginnerani sunniutigisaanik misissuinerit Kalaallit Nunaanni Meeqqat Ikiortigit amigaatigai.

- Sukaterinerit nutaat atuunnerat sivikippallaarsoraarput, tamannalu sunniuteqarsimanersoq nalilissallu tunngavissaqarpallaanngilagut. Meeqqat Ikiortigit tungaaniit tamanna uggorisorujussuuarput, Kalaallit Nunaanni Meeqqat Ikiortigimi siulersuisut siulittaasuat, Jonna Ketwa oqarpoq.

AAMMA ATUARUK Nuummi imerniartarfiit sivisunerusumik ammasalernavianngillat

Imigassaq pillugu inatsisisip qasukkarnerata malitsigisaanik sapaatip akunnerata naanerani akunnermik ataatsimik sivisunerusumik imerniartarfiit imigassanik tuniniaasinnaalerput, pisiniarfiit ullormut akunnialunnik tuniniaanerusinnaalerput imigassallu toqqortertariaarullutik. Jonna Ketwap imigassanik saagulersuinerit kisimiillutik ajornartorsiutinut aaqqiissutaasinnaanngitsut nassuerutigaa. Kisianni imigassaq pillugu inatsimmik qasukkaanermikkut politikerit qanoq oqariartuuteqarnerat tassani apeqqutaavoq, Jonna Ketwa isumaqarpoq. 

- Oqariartuutip imaata nammineq qanoq naleqarnera ernummatigaarput, oqarpoq.

AAMMA ATUARUK Imigassaq pillugu inatsit sukannerpallaarunnaassaaq

Politikerit qanoq maanna iliuuseqarniarpat?

Ajornartorsiutit imigassap pilersittagarpassui pillugit siunissami qanoq iliuuseqarfigineqarnissaannik politikerit takorluuineri Meeqqat Ikiortigit amigaatigai.

- Taava qanoq pisoqarnissaa ernummatigilaartorujussuuarput. Tamanna ukkatarisatta ilagaat. Inuusuttut akornanni imigassamik atornerluinerup pinaveersaartinnissaanut taava qanoq iliuuseqartoqarniarpa, Jonna Ketwa oqarpoq.

Nunatsinni meeqqat inuusuttullu akornanni inuiaqatigiinni ajornartorsiuterpassuarnut imigassap qanoq akuutiginera taassuma eqqaavaa.

- Inuusuttorpassuit imigassartorsimallutik imminut toquttarput. Aamma nalunngilarput kinguaassiutitigut naapertuilluanngitsuliornerit atornerluinerillu ilaat inuusuttunit 18-it inorlugit ukiulinnit imigassartorsimasunit pinerliissutaasartut, tamannalu ernumanartortaqartingaatsiarparput. Nakuusernerpassuit imigassartortoqarsimatillugu aamma pisarput, Jonna Ketwa oqarpoq.

Imigassartornermi periaaseq killissallu

Angajoqqaat meeqqaminnut imigassaq pillugu oqaloqatiginnittarnissaat pillugu qaammarsaanissamut atatillugu Meeqqat Ikiortigit quppersakkamik pilersaaruteqarpoq.

Aammattaaq nikanarsaasarnerup akiorniarneranut qaammarsaanermut atatillugu imigassamut killiliisarnissamut sammisaqarnissamik suliaqarpoq, kisianni innuttaasut, kattuffiit, angajoqqaat politikerillu ataatsimut akisussaaqatigiipput, Jonna Ketwap naqissuserpaa politikerinullu kaammattuuteqarluni.

- Inuusuttunut qanoq imigassartortigisinnaanissamut, qanoq pissusilersortarnissamut imigassartorsimatillunilu suut killissaanerannut suullu mianersuutassaanerannut qaammarsaanermik pilersitsisoqartikkusupparput, Jonna Ketwa oqarpoq.

AAMMA ATUARUK - Inatsimmik sakkukillinissamut aalajangiinnginnermi eqqarsarluaqqaaritsi

 

 

 

 

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat