Imigassaq ikiaroornartorlu pillugit siunnersuisooqatigiinni siulittaasoq Inga Dora Markussen

Imigassaq ikiaroornartorlu pillugit siunnersuisooqatigiit - Inatsimmik sakkukillinissamut aalajangiinnginnermi eqqarsarluaqqaaritsi

Upernaakkut Ataatsimiinnerit ulluisa aallartinneranni imigassamut inatsimmut siorna atuutilertumut allannguutissatut siunnersuutit arlaqarput. Tamannalu imigassaq ikiaroornartorlu pillugit siunnersuisooqatigiit ernumanartoqarpppaat, siulittaasullu Inga Dora Markussenip politikerit inatsimmik sakkukillinissamut aalajangiinnginneranni eqqarsarluaqqaaqqullugit ullumik kaammattuuteqarfigai.

- Imigassaq pillugu inatsit nutaaq iluaqutaavoq, Imigassaq ikiaroornartorlu pillugit siunnersuisooqatigiinni siulittaasoq allappoq.
- Tamanna imigassamik eqqussuinerup annertuumik appariarsimanerata takutippaa. Taamaattumik assuarnarpoq politikerit maanna inatsit sakkukilliniarmassuk.
- 2018-mi eqqussuineq 2017-imut naleqqiullugu, 14-inik ukioqalereersuniit literimik iluittumik appariarsimavoq, Inga Dora Markussen erseqqissaavoq.
Pisiniarfinni imigassamut assersuutit peerneqarnissaat, ammasarfinnik sivitsuinissaq neqerooruteqarnissamullu inerteqquteqarnerup atorunnaarsinneqarnissaanut allannguutissatut siunnersuutit Inatsisartuni ullumi suliarineqartussanut ilaapput.
Imigassaq Ikiaroornartorlu pillugit Siunnersuisooqatigiit allannguuteqarneq imigassartornerusoqalerneranik taamatullu atornerluisut amerlinerannik kinguneqarnissaa tusarniaanermi akissuteqarnerminni erseqqissaatigaat.
- Imigassap eqqussuunneqartup appariarneranut killilersuilluni inatsisiliortoqarnera Imigassaq Ikiaroornartorlu pillugit Siunnersuisooqatigiit pitsaasumik ingerlasoqalerneranik nalilerpaat. Nunani allani misissuinerit takutippaattaaq, imigassap takussaanerata killilersorneqarnera iluaqutaasoq. Imigassaq pillugu ussassaarinerup inerteqqutaarnera iluaqutaavoq aamma imigassamik tuniniaanerup killilersimaarnera iluaqutaavoq, Imigassaq Ikiaroornartorlu pillugit Siunnersuisooqatigiit isumaqarput.
- Politikerillu inatsit maanna ajoraluartumik utertinniarpaat. Taamaattumik politikerit kaammattorusuppagut sakkukilliliinissamut taasinnginnermi eqqarsarluaqqaarnissaat, Imigassaq Ikiaroornartorlu pillugit Siunnersuisooqatigiit siulittaasuat, Inga Dora Markussen naggasiilluni allappoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat