Naleraq Múte B. Egedemut tatiginnikkunnaarnermik nalunaaruteqartoq
Naleraq nunanut allanut naalakkersuisumut, Múte B. Egede USA-mut isumaqatigiissutip aappassaanneerneqarnerani tatiginnikkunnaarnermik nalunaaruteqarpoq.
Allattoq Emil Weis
novembarip 03-at 2026 12:02
Nutserisoq Connie Fontain
Naleraq nunanut allanut, inuussutissarsiornermut aatsitassanullu naalakkersuisumut, Múte B. Egedemut tatiginnikkunnaarnermik nalunaaruteqarpoq.
Tamanna USA-mut isumaqatigiissutip Inatsisartuni marlunngornermi aappassaanneerneqarnerani pivoq.
Inatsisartunut siulittaasup, Kim Kielsenip (attaviitsoq), tatiginnikkunnaarnermik nalunaaruteqarnerup akuerineqarnera nalunaarutigaa.
Ullormut oqaluuserisassat sinneri taamaalillutik kinguartinneqarput.
Múte B. Egede unikkallarnerup kingorna oqaaseqartarfimmukarpoq.
Taassuma Nunanut allanut Sillimaniarnermullu Ataatsimiititaliami ataatsimiinnernit isertuussinissap pingaaruteqarnera oqaatigaa.
- Akisussaaffiga naapertorlugu sulinera toqqissisimaffigaara, Múte B. Egede oqarpoq.
Pipaluk Olsen (D) Atassut, Siumut, Demokraatit, IA attaviitsullu sinnerlugit partiit Múte B. Egedemut tatiginnittut oqarpoq.
- Naalakkersuisoq tatigilluinnarparput, Pipaluk Olsen oqarpoq.
Nutarterneqarpoq…
