Korea Avannarleq qaartartorsuarmik atomitortumik misileraaniarluni piareersaleruttorpoq
Misileraasarfimmi Punggye-rimi, 2006-imi 2009-milu misileraatitut qaartitsiffiusimasup assilineqarnerani misileraalluni qaartitsisoqarnissaanut piareersartoqarnera takuneqarsinnaavoq.
-Naak ukiuugaluartoq, pingajussaanik misileraalluni qaartitsisoqarnissaa ilimanarsinnaasoq, Washingtonimi John Hopkins Universitymi, US-Korea Instituttimit nalunaarutigineqarpoq.
Korea Avannarleq qaartartumik isorartuumut ingerlaartittakkamik decembarip 12-iani misileraavoq. Pyongyangimi aqutsisut taamani oqaatigaat, qaammataasamik aallartitsinertik iluatsilluartoq.
USA-lli, Japanip Koreallu Kujalliup qaartartorsuarmik atomitortumik useqarsinnaasumik nunavissuarmit nunavissuarmut ingerlasinnaasumik misileraasoqarnasoraat, nutaarsiassaqartitsivik Ritzaus Bureau taama naluaaruteqarpoq.
