Korea Avannarleq OL-ertoqarnissaanut aallartitaqarniartoq
Nunat taakku marluk akornanni killeqarfiup ataatsimiinneranni inernerit siulliit tamakkuupput, sulilu ataatsimiittoqarpoq.
- Korea Avannarlermi inuit nuimasut, timersortartut, isiginnaariat tusagassiortullu assigiinngitsut Korea Kujallermukartinneqassapput. Korea Kujalleq sinnerlugu isumaqatiginninniartitat unnuaq taama nalunaaruteqarput.
Pissutsit pitsanngornissaannut tamanna alloriarnerusoq, Liselotte Odgaard, Forsvarsakademimeersoq oqarpoq:
AAMMA ATUARUK Korea Avannarliup OL-imut peqataatitsisinnaaneranik Korea Kujalliup oqaloqatigiumagaa
- Nunat marluk taakku oqaloqatigiissinnaanertik takutippaat, qanganngulerpormi kingullermik oqaloqatigiimmata, Liselotte Odgaard oqarpoq.
Nunat taakku marluk isumaqatiginninniarnissaat Korea Kujalliup qangali kissaatigisimavaa, Korea Avannarliulli oqaatsit taakku tusaanngitsuusaaginnartarsimavai.
Ilaqutariit nunat taakku avissaartinneqarneranni avissaartinneqartut naapissinnaanissaat maanna isumaqatiginninniutigineqassaaq.
