Inuussutissarsiutit

KNT'p atorunnaarsinneqarnissaa kinguartinneqarpoq

Aqutsisut decembarip 14-iat nallertinnagu ukiumoortumik naatsorsuutit saqqummiutinngippatigit aalisakkanik tunisassiorfik KNT pinngitsaalillugu atorunnaarsinneqarsinnaavoq.

Allattoq Charlotte Holten-Møller

novembarip 25-at 2015 14:15

Nutserisoq Erna Lynge

Ilutigitillugu aqutsisut pillaatitut 3000 koruuninik akiligassinneqarsimapput ukiumoortumik naatsorsuutitik piffissaq eqqorlugu tunniussimannginnamikkit.

Danmarkimi Erhvervsstyrelse KNR-imut taama paasissutissiivoq.

KNT-ip aqutsisuisa naatsorsuutitik maajip allaqqaataaniit, 2014 apriilip 30-iat 2015-imut ukiumoortumik naatsorsuutitik oktobarip 21-iat nallertinnagu tunniussimasussaagaluarpaat. Taamaaliorsimanatilli. Tamatuma kingorna Erhvervsstyrelsip tunniussiniisamut killigititaq ullumimut sivitsorsimagaluarpaa. KNT-iilli aqutsisui suli tunniussaqarsimanngillat.

Maanna aqutsisut tunniussinissaminnut decembarip 14-iata tungaanut periarfissinneqarput. Taamanikkussamut aqutsisut ukiumoortumik naatsorsuutitik tunniutinngikkunikkit aalisakkanik tunisassiorfik pinngitsaalissummik atorunnaarsinneqassasoq Erhvervsstyrelse nalunaarpoq.

Aamma atuaruk Avaleraasartoortassanik agguaassinermi sinaakkutissat Krusep siuttuuffigai

Aamma atuaruk SIK KNT Aps-imut: Akiliisinnaajunnaaginnaritsi

Aamma atuaruk VIDEO Mikael: KNT-p pisassinneqarnera inatsisinik unioqqutitsinerunngilaq

Aamma atuaruk KNT-p akilisinnaajunnaarallarnera taamaatinneqarpoq

Aamma atuaruk KNT-amigaartooqqammat Kitaa Seafood utaqqimaarpoq