KNT-p akilisinnaajunnaarallarnera taamaatinneqarpoq
SIK-p eqqartuussisulersuussinini oktobarip arfineq aapaanni ukiaq manna taamaatiinnarpaa. Taamaalillunilu tunisassiorfik ingerlariaqqissinnaalersoq pisortaq, Mikael Petersen KNR-imut oqarpoq.
- KNT tassa aatsaat qanoq iliuuseqaqqinnissaminut nammineerluni maanna periarfissaqaqqilerpoq, KNT-p pisortaa, Mikael Petersen taama oqarpoq.
Aamma atuaruk KNT-ip qinnuteqarsimanera GE-p ajoraa
SIK eqqartuussivilersuussivoq
KNT-imi sulisut ilaasa akissarsitinneqannginnertik pillugu kattuffimminnut, SIK-mut tamanna naammagittaalliutigaat. Suliarlu tamanna kattuffimmit eqqartuussisut aqqutigalugit suliassanngortinneqarluni.
Eqqartuussisunillu tamassuma suliarineqarnerata nalaani KNT allatut ajornartumik akiliisinnaajunnaarallartariaqarluni.
- Tassa KNT-ip akiliisinnaajunnaarallarneranut pissutaavoq, SIK-p upernaaq piumasarimmagu eqqartuussisutigoortumik sulisunut aningaasarsiarititassat KNT-p akilertariaqarai. Kisiannili taakku isumaqatigiinngissutaapput, uangut isumaqaratta sulisut timenik atuineri uangut akilertussaanngikkipput, KNT-p pisortaa, Mikael Petersen taama oqarpoq aamma oqarluni eqqartuussivinnit suliap ingerlanneqarnerata nalaani, KNT Aps-ip aningaasat 4 millioner koruunit amerlanerilluunniit annaasimagai.
Aamma atuaruk Karl-Kristian Kruse oqaaseqarusunngilaq
Akiliisinnaajunnaarallarnera unitsinneqarpoq
KNT Aps-ip kukkunersiuisuata, Knud Østergaardip KNR-imut oqaatigaa, KNT-p akiliisinnaajunnaarallarnerata unitsinneqarnera eqqartuussivimmit uppernarsarneqarluni tallimanngormat oktobarip 20-anni tamanut nalunaarutigineqartoq.
KNT Aps ukiumut 3 millionit 4 millioner koruunillu akornanni kaaviiaartitaqartaraluartoq, Mikael Petersenip erseqqissaatigaa.
Taamaalillunilu KNT-p ukioq manna kaaviiaartitassatut naatsorsuutigisai, naatsorsuusiorfimmi 2013-2014-im kaaviaartitatanik malunnartumik amerlanerusussaasutut missigersuusiorsimagaluarpai.
Tassami naatsorsuusiorfimmi 2013-2014-imi 2,6 millionerkoruuninik kaaviiaartitaqarpoq.
Aamma atuaruk Avaleraasartoortassiinermi assigiinngitsumik suleriaaseqarneq GE-p isornartorsiorpaa
