Kalaallit Uruguay aqagu unammissavaat
Amerikap nunavittaani assammik arsartartut kattuffiata Brasiliamit ullumi nalunaarutigaa, kalaallit assammik arsartartui aqagu arfininngornermi ualikkut pingasunut Uruguayimut unammissasut.
Allattoq Elisa Isaksen
juunip 27-at 2008 17:04
Unammineq radiukkut toqqaannartumik aallakaatinneqassaaq.
Naak kalaallit unammersuarnermi matumani angusarissaarpallaanngikkaluartut, nuannaarutigisinnaavarput, Minik Dahl-Høegh unammersuarnerni 19-inik isertitaqarluni isertitsinerpaani normu 3-ugallarmat.
