Danskit Parisimi IlluutaatAssi: Google Streetview

Kalaallit atuakkiaat Parisimi sammineqalersut

Parisimi Danskit Illuanni, Champs Elyséessimiittumi, ulluni marlunni aaqqissuussinermi atuakkat franskisuunngorlugit nutserneqarsimasut pingasut saqqummiunneqarpata, kalaallit atuakkiaat immikkut sammineqassapput.

Kalaallit atuakkiaat Montrealimi Quebecip Universitetianit franskisuunngorlugit saqqummersinneqarput soqutigineqarluarlutillu. Atuakkallu Frankrigimi maanna saqqummersinneqartussanngorput.

Atuakkat nuannarineqarluartut marluk pineqarput, tassalu Mathias Storchip aamma Augo Lyngep atuakkiaat kiisalu Kelly Berthelsenip atuakkiaa nutaajunerusoq.

Aamma atuaruk Kalaallit atuakkiaat pingasut franskisuunngorlugit saqqummersinneqartut

Atuakkanik saqqummersitsinermi aaqqissuisup, professor Daniel Chartierip, atuakkat ilisaritissavai Kelly Berthelsenilu Nunarput nunatsinnilu atuakkiat pillugit oqalugiaateqassalluni.

Daniel Chartierip KNR-imut oqaatigaa kalaallit atuakkiaasa franskisut oqaasilinnit ilisimaneqarnerulernissaati qilanaaralugu.

Aaqqissuussineq aallarnerlugu filminik Nunatsinni suliarineqarsimasunik takutitsisoqassaaq, ilaatigut filmi Inupiluk takutinneqassalluni.

Aamma atuaruk Berthelsenip, Storchip Lyngellu atuakkiaat franskisuunngorlugit saqqummersinneqalersut

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat