Kalaallit atuakkiaat pingasut franskisuunngorlugit saqqummersinneqartut
Professori Daniel Chartier kalaallit atuakkiaannik aappassaa sapaatip-akunnerata siuliani saqqummersitsivoq.
Atuakkiami sammisat ukiorpassuit ingerlaneranni pisimasunut tunngapput, assigiinngitsorujussuullutillu.
Atuakkiat saqqummersinneqartut Issittumut allatut isiginneriaaseqartitsilersut, Daniel Chartierp oqaatigaa. Kalaallit Nunaat nuna alianaatsoq allanalaarsinnaasorlu, nunarsuarmi franskisut oqaasilinnut atuakkiani saqqummersinneqartartoq taassuma oqaatigaa.
Aamma atuaruk Berthelsenip, Storchip Lyngellu atuakkiaat franskisuunngorlugit saqqummersinneqalersut
Atuakkiat Quebecip Universitetiata saqqummersitsisarfianit saqqummersinneqarput, Canadamilu Frankrigimilu pisiarineqarsinnaallutik. Aqqaluk Lyngep taalliai franskisut ukiut pingasut matuma siornatigut aamma Daniel Chartier saqqummersipai.
Atuakkiat Montrealimi saqqummersinneqarsinnaanissaannut Namminersorlutik Oqartussat, Ilisimatusarfimmeersullu ikiuussinnaasimammata Daniel Chartierp nuannaarutigaa, qutsavigalugillu.
Nipilersortartut Montrealimeersut atuakkiat atuagaarniarfimmi tamanut saqqummersinneqarnissaannut atatillugu taalliorlutillu erinniorsimapput, saqqummersitsinerullu nalaani aamma appisimaarlutik.
