Kúko: Uuliaarluernermik nutaarsiassaq nuanninngitsorujussuaq

Pinngortitamut, Avatangiisinut Inatsisinillu Atuutsitsinermut Naalakkersuisoq Mala Høy Kúko, Tunup avataani aggustip ulluisa qulinganni uuliarluertoqarneranut tunngatillugu taama qisuariaateqarpoq.

Aamma atuaruk Uuliaarluarnermi upalugaarsimanermut pilersaarut atuuttoq GE-mit tapersersorneqarpoq

Uuliarluertoqarneranut atatillugu Issittumi Sakkutooqarfimmit ullut tallimat qaangiuttut aatsaat qisuariaateqartoqarneranut atatillugu Kalaallit Nunaanni qinikkat annerusumik qisuariaateqannginnerat, Pinngortitaq pillugu nunarsuaq tamakkerlugu suliniaqatigiiffiup Verdensnaturfondenip qullersaata Gitte Seebergip oqallissaarummi uparuarpaa.

- Kalaallit Nunaanni soorunami killiffik pillugu ingerlaavartumik ilisimatinneqartarpugut, uangalu aamma suliaq qanimut malinnaaffigaara, Mala Høy Kúko tusagassiuutinut nalunaarummi ilaatigut allaaserisaqarpoq, nangillunilu:

- Allarpassuit assigalugit umiarsuit sukkasuumik apuunnissaat, aammalu sumiiffimmi anorlerunnaarnissaa nukingitsaateqqasimavara, Pinngortitamut Avatngiisinullu Naalakkersuisoq oqarpoq, suliniarnerullu sukkanerunissaa kissaatigalugu.

Aamma atuaruk Tunup avataani uuliaarluertoqarsimaneranik siumugaqartoqanngilaq

Illersornissaqarfiullu satellitsinik atuinera Mala Høy Kúkop neriulluarnartoqartippaa:

- Uuliap immap qaavaniittup sumiissusersisinnaanerata saniatigut, satellitsinik atuineq, Kalaallit Nunaata eqqaata imartaanni umiarsuit angallannerisa malinnaaffigineqarneranni paasisimasaqarfiginissaasa inerisarneranut iluaqutaasinnaassaaq, taamaalilluni ajornannginnerusumik mingutsitsinermut akisussaasuusut pissarsiarisinnaassallutigu, aammalu akisussaasuutinnissaat aamma saliinermut akiliinissaat qulakkiissallutigu, Mala Høy Kúko oqarpoq.

Aamma atuaruk Tunup avataani uuliaarluertoqarsimasinnaanera suli paasisaqarfigineqanngilaq