Uuliaarluarnermi upalugaarsimanermut pilersaarut atuuttoq GE-mit tapersersorneqarpoq
Nunatsinnili uuliaarluertoqarsimatillugu upalugaarsimanitta isornartorsiorneqarnera mianersuunneqartariaqartoq, Nunatsinni sulisitsisut peqatigiiffiannit, GE-mit inassutigineqarpoq.
- Uuliaarluernerup takuniarneqarnera arriippallaamik sulissutigineqarsimappat, soorunami isornartorsiuisut isumaqatigaagut. Tunumili uuliaarluertoqarnera eqqarsaatigalugu, aatsaat ullut tallimat qaangiummata tamassuma misissoriartorneqarneranut atatillugu tamanna oqaaseqarfigisinnaanngilarput, tassami Issittumi Sakkutooqarfiup nalilersorsimassammagu, uuliaarluernerup qaqugukkut takuniarneqarluni misissoriartorneqarnissaa. Upperaarpullu Issittumi Sakkutooqarfik tamanna pillugu nalilersueqqissaarsimassasoq.
Aamma atuaruk Avataq: - Upalungaarsimanerput atorsinnaanngilaq
Aamma atuaruk WWF: Uuliaarluertoqarnera ilinniutaasariaqarpoq
GE-mi inatsisit pillugit siunnersorti, Lars Krosgaard-Jensen oqarpoq naqissuserluguli, Nunatta aningaasatigut isumalluutiginerpaasaa, tassalu aalisarneq, uuliaarluertoqarujussuarneranik eqqugaassagaluarpat tamanna immikkut isiginiarneqartariaqartoq.
- Avatangiisitsinni ajutoorujussuartoqartillugu, Nunattalu inuussutissarsiutitigut pingaarnerpaartaa, tassalu aalisarneq ajortumik eqqorneqaraluarpat naatsorsuutigaara tamanna politikkikkut qanoq iliuuseqarfigineqarumaartoq ilaatigut upalugaarsimanerput eqqarsaatigalugu tamassuma amerlanernik aningaasaliiffigineqarneratigut.
Aamma atuaruk Tunup avataani uuliaarluertoqarsimaneranik siumugaqartoqanngilaq
Nunatsinni sulisitsisut peqatigiiffianni, GE-mi inatsisit pillugit siunnersorti, Lars Krosgaard-Jensen taama oqarpoq.
Taanna aamma oqarpoq, Tunup avataani uuliaarluernermut ornigulluni misissuiartorsimaneq arriippallaamik sulissutigineqarsimappat, tamanna polikkikkut qanoq iliuuseqarfigalugu upalugaarsimanerput pitsaanerusunngortinneqartariaqartoq.
Aamma atuaruk Tunumi uuliaarluertoqarsimanersoq ernumassutaasoq