WWF: Uuliaarluertoqarnera ilinniutaasariaqarpoq
Tamanna ilinniutaasariaqartoq, Pinngortitaq pillugu nunarsuaq tamakkerlugu suliniaqatigiiffiup qullersaa Gitte Seeberg, oqallissaarummik jp.dk-mi allappoq.
Uuliamik assartuussuaq Exxon Valdez Alaskap avataani 1989-imi ajutoormat akunnerit pingasut qaangiuttut aatsaat sinerissami nakkutilliissummeersut umiarsuarmut apuupput. Mexikup Kangerliumanersuani uuliamik qillerivissuaq Deepwater Horizon 2010-mi ajutoormat suli sukkanermik qisuariartoqarpoq.
- Tunumi qanittukkut pisoq Kalaallit Nunaanni upalungaarsimanermut misiliutitut taaneqarsinnaavoq. Taama pisoqarnerata takutippaa upalungaarsimanerup qanoq inissisimanera. Suut pitsaanerusumik suliarineqarsinnaappat, nukiillu suut qanorlu annertutigisut atorfissaqartippavut, silallu qanoq innera aamma apeqqutaasartoq paasivarput, Gitte Seeberg oqarpoq, nangillunilu:
AAMMA ATUARUK Tunup avataani uuliaarluertoqarsimaneranik siumugaqartoqanngilaq
Upalungaarsimaniarnerup misilinneqaatigigaa
- Kalaallit Nunaanni uuliasiortoqalissappat, uuliamillu qalluisoqalissappat, upalungaarsimaneq sillimaniarnerlu Nunarsuarmi pitsaanerpaaq nassaassaajumaartoq, Kalaallit Nunaanni politikerit atorfilittallu qasseerpassuariarlutik neriorsuutiginikuuaat. Maannakkorpiarli pisut pillugit tupinnaannartumik nipaassimaqaat. Pisut ammasumik tamanut nalilersortariaqarpaat. Upalungaarsimaniarnermi pissutsit ullumi atuuttut naammagivaat, naak massakkorpiaq uuliaarlertoqarnera uuliasiornermit tunuliaquteqanngikkaluartoq, Verdensnaturfondenip qullersaa oqarpoq.
Massakkut uuliaarluartoqarnera eqqarsaatigalugu upalungaarsimaniarnerup pitsanngoriaateqarneranik malitseqaratarsinnaanera nuannaarutissaasoq, Pinngortitaq pillugu nunarsuaq tamakkerlugu suliniaqatigiiffiup qullersaata oqaatigaa.
AAMMA ATUARUK Tunumi uuliaarluertoqarsimanersoq ernumassutaasoq